方力申（小方）、周柏豪、胡鴻鈞、馮允謙和蘇皓兒今日在九龍灣參與籃球表演賽，因疫情關係，小方指自己的泳會要關閉，由於入不敷支，他要申請政府資助，以及向政府借數10萬應急，他坦言真的蝕到入肉，做演員甚為被動，早前只拍過抗疫電影《總是有愛在隔離》。
對於舊愛鄧麗欣（Stephy）與台灣男友邱勝翊（王子）因疫情分隔兩地而感情轉淡，有傳Stephy翻撻小方，他聞言後沒好氣說：「我好唔八卦，呢啲係無中生有，唔知點解突然有呢啲新聞，可能人哋部戲上，宣傳嚟㗎！」哪有看過Stephy主演的《金都》？小方說：「梗係有，金像獎我有份投票。」記者追問有傳Stephy與王子感情轉淡，小方表示：「我唔知呀，我阿媽噚晚食咩，我都唔知啦，我唔八卦。」他坦言與Stephy好少聯絡。
已有半年沒有打籃球的周柏豪，笑指現時7個月大的女兒亦喜歡籃球：「佢識叫爸爸、媽媽，好冧！我都想追多個，一家四口，但因為太太開刀生，等佢調理好身體先，所以我好戥阿樂（余文樂）開心。」他指余文樂因已搬到台灣居住，雖然沒有見面，但仍有聯絡，所以他亦有恭喜對方再為人父。
談及他剛渡過首個父親節，周柏豪開心地說：「感受好大，我覺得個感覺係大過我嘅生日，我係咁問個女『父親節，有咩準備？』佢一嚿飯咁望住我，佢唔識答都問吓，都幾過癮。」他指當日在家食飯慶祝，覺得人越大，越要懂得珍惜相處時間，他表示做了父母後，更佩服以前的父母，可以一邊照顧子女，一邊打工。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|