ViuTV今年先後推出自家劇集《二月廿九》、《打天下》、《歎息橋》，結果反應理想，聽日再推出20集港劇《地產仔》，今次幕後班底認真強勁，ViuTV聯同天下一電視製作部及寰亞公司電視製作部開拍，前無綫監製徐遇安與著名電影製片人鄧維弼擔任監製，演員方面，除了有廖子妤、吳肇軒、麥子樂、徐浩昌、余香凝等人演出外，還有久違了鄭浩南和雪兒參與演出。
ViuTV在FB官方網站上載了一段20分鐘長的製作特輯，內容是以香港年輕人住屋作題材，鄭浩南創辦專門做街坊生意的「和聯興地產」，在一班後生仔的加入下，合力對抗唯利是圖的業界龍頭「龍星置業」，阻止舊區重建逼遷計劃，保衞街坊家園，大家在經歷社會現實殘酷後，領悟到有人情味才稱得上是家。
鄭浩南在片中表示今次飾演一個專門做街坊生意的地產商人：「佢可以唔賺錢，為求係大家可以有一個家，買一個值得有嘅家，之後同大型地產商對抗。今次拍得好開心，同咗好多新演員合作，佢哋真係好有energy。拍嗰陣冇時停，一係走嚟走去，又或者成日唱歌，冇一分鐘係會停。佢哋仲會喺我背後學我做戲。」他還說：「香港喺呢段時間經歷咗咁多嘢，有一部帶番出香港時代背景嘅劇，好多嘢係正面同開心，真係有一定鼓勵作用。」
正如鄭浩南所講，片中有不少貼地的對白，廖子妤曾經向鄭浩南表示，做街坊生意本大利少，但鄭浩南不相信自己輕易被淘汰：「美景良晨，和諧共處，聯繫四方，興家振國，投資炒賣，嗰啲大圍，有人情味，嗰個先叫做屋企。」導演徐梓耀亦說：「呢套係『屎』上最多糞便嘅一套電視劇，我想用糞便去影射香港嘅一啲問題，我知道返到嚟一定會俾人剪，唔講得，但係我哋喺現場係樂在其中咁喺度拍。」有網民留言表示期待，一方面是廖子妤的TB造型，另一方面亦因為鄭浩南。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|