楊玉梅、蘇慧恩及二胡大師王憓將為8月的《五月情天音樂會》演出，他們今日到深水埗舉行發佈會。楊玉梅透露音樂會上，將與王憓合作演出：「我會唱兩首歌，好開心有呢個國寶級演奏家伴奏，今次又喺大會堂演出，更加唔想出醜。」
楊玉梅指今日是疫情中首次出席公開活動：「真係好少出去，大家都唔想病，身體健康真係好緊要。好彩自己呢段時間唔使開工，出去又要戴口罩，我而家戴口罩出街都會焗到想暈。」她直言所有到大陸的工作已全部暫停，電影、電視劇及廣告亦要押後，暫時亦不會到北京工作。問楊玉梅有否受大陸的限薪令影響？她說：「唔會喎，嗰啲小鮮肉、小鮮花減少少，最好就撥啲畀我哋，我又平又靚又正，呢幾個月嘅收入真係追唔返。」她透露因疫情影響，最少損失6位數字。
蘇慧恩正籌備新歌，原本想推出舞曲的她，因為腰背受傷改出輕快歌：「我整親大半個月，要做針灸、物理治療同睇脊醫，醫藥費好貴，好似燒銀紙咁。希望8月可以跳返舞，我10月開演唱會，到時要跳啦。」問她腰背及尾龍骨受捐，可會擔心影響生育？蘇慧恩驚訝說：「唔好嚇我呀，應該冇影響嘅。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|