29歲蔡思貝向來易惹是非，2013年參選香港小姐奪取亞軍後出道，入行第二年已於《名門暗戰》做女配角，2015年更於《衝線》擔正做女主角，同年更獲張家輝垂青邀演電影《陀地驅魔人》，但上位之快亦惹來排山倒海的負面新聞，捲入假學歷風波、「高分貝」演技被彈，不過最多人談論都是緋聞多到被封為「發電廠」，王浩信和老婆陳自瑤鬧婚變時，蔡思貝被傳暗撻王浩信，之後又和麥秋成、余德丞及胡鴻鈞等傳緋聞。
蔡思貝日前接受商台節目《1圈圈 星光背後》主持人梁泰來訪問，提到過去的是是非非，她直言一直視張曼玉為偶像，當演員是自己的目標，所以選美後即有機會拍劇，興奮開心到衝昏頭腦，令整個演藝事業由撞板開始。她說：「唔單只拍劇，對人對記者都撞晒板，最初我活喺自己世界入面，喺化妝間唔會同人打招呼亦唔會微笑，好多人話我嗰時好寸、好不可一世，其實我根本唔識處理，以為自己開心有戲演就得，點知出嚟係一pat屎。」
2015年擔正《衝線》女主角之後，負評更多，她嘗試正面去面對壓力，審視自己不足，跟黃秋生及甄詠蓓學演戲，但壓力累積導致不知不覺間患上情緒病，直至跟張衛健合作《大帥哥》才求醫，她表示：「拍完《大帥哥》做宣傳時，健仔（張衞健）發覺我情緒有問題，再介紹醫生畀我，先知患上躁鬱症，係忽然爆喊同透唔到氣，有段時間我瘦咗一截，係因為情緒病影響甲狀腺素超標，要一邊醫，一邊調整心態。」
談到緋聞名單一大串，當中有排舞師麥秋成、洪永城、王浩信、張振朗、以至最近期的余德丞及胡鴻鈞，都被指是她的群下之臣，但蔡思貝卻自稱目前單身：「我返香港之後，只係同麥秋成拍過拖，其餘都係好朋友、好拍檔，如果大家心水清，胡鴻鈞當年有同我一齊演《衝線》，我同余德丞同埋佢，成日三個人一齊食飯，我而家係單身。」
她指和麥秋成分手仍是朋友，雙方仍保持聊絡，至於相識經過及分手原因，她坦言：「秋成係一個好男人，初入行喺Studio影完雜誌相，係一位化妝師朋友邀請我留低參加聖誕party時認識，佢入到嚟見到我同我傾偈，好浪漫咁話『喺成個場只見到我一個人』我哋做咗9個月朋友至開始拍拖，分開係因為佢想穩定話要照顧我，而我先啱啱入呢個夢想嘅演藝行業，唔想咁快穩定，大家追求嘅嘢唔一樣。」
蔡思貝今日在將軍澳出席活動，再次講到麥秋成，她說自己不及舊愛成熟，是了解而分開。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|