46歲蔡少芬（Ada）、48歲朱茵、53歲陳法蓉（Monica）及49歲洪欣，可能是年紀最大的全新女團。這四位相識多年的好姊妹最近正式組團，取名為「港普F4」，名字的來由是她們的港式口音普通話（港普）鬧出過不少笑料，成功在觀眾心目中留下印象，為了延續港普傳奇，決定組成全新女團，希望透過特色口音繼續發放歡樂及正能量。
日前，F4拍攝首輯造型照，洪欣說：「我哋有各自分別合作過，有一齊登台唱歌跳舞，但四個人一齊工作真係第一次。」Ada不忘發揮搞笑本色，笑說：「係呀！佢哋三個今次好開心可以同我合作，係對佢哋最大嘅福氣。」團名有取笑意味，但她們均指可以互相增加人氣，朱茵笑言：「其實幾好㗎！一講港普就記得我哋四個人，Ada去拍戲同埋綜藝節目時，大家一聽到佢嘅港普就會諗起我哋其餘三個。」
訪問期間，姊妹間的暱稱亦意外曝光，朱茵大爆：「我哋平時私底下唔會叫咩F4，反而係稱呼大家做『死八婆』！」洪欣繼續爆料，矛頭更直指Ada：「係呀！係Ada嘅口頭禪嚟，佢叫個個都係『死八婆』，我哋冇名㗎，有時都唔知佢叫緊邊個。」陳法蓉則表示由於她們感情要好，才不會因對方的說話而介懷：「因為熟先唔會嬲，我仲記得嗰陣留長頭髮，Ada話我個妝好似男扮女，佢老公張晉即刻好緊張咁話『你唔好咁講Monica會嬲㗎！』但我覺得第個講就可能嬲，但Ada講我只會覺得幾好笑。」
提到多年來的相處之道，陳法蓉表示：「我哋之間唔存在競爭，當大家好好朋友嘅時候，對方接到工作會戥佢開心，可能我有家庭需要，接咗個廣告大家又會戥我開心。」Ada自言最重要是存着大方無私的心，四姊妹之間從未有心病：「我哋四個有樣嘢好，就係都想大家過得好，例如呢個廣告接唔到，Pass畀對方都會開心，唔會覺得你搶咗我工作，唔會有心病。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
