現年40歲的Ana R.，武漢肺炎疫情期間外出行商場。樣就無乜點變，唯獨身材，特別係個肚。加上闊身衣物搭配平底鞋，究竟係再懷孕佗緊第三胎，還是未修身呀？
西班牙與韓國混血的Ana R.，2000年由美國來港做Model，曾被選為香港十大模特之一，與Lisa S.、Amanda S.、周汶錡、熊黛林等人睇齊。
2013年，Ana R.與英籍老公結婚，並於2015及2018年分別生下一女一子。之後，Ana R.曾公開話封肚唔再生。不過早前，《壹》仔見到Ana R.現身商場，肚凸凸疑似又有咗，而且手上拎住花紙，唔通準備佈置環境再開個派對公布第三胎性別？
對此，Ana R.回覆話無懷孕，只係著咗一啲好鬆身嘅衣物，因為真係好熱！同時，佢仲道出咗做人阿媽犧牲好多嘅偉大，特別係作為名模要犧牲扮靚：「同好多母親一樣，喺『必須完成的清單』之中，自己係排最尾嗰個，我好耐無單純為自己做過任何嘢。」
的確，Ana R.買到手上一抽二褦，似乎全部都係為屋企而準備，因為明顯睇到小朋友嘅游泳浮板，仲有幾卷花紙。原來，有親朋好友生日，準備開party，而且炎炎夏日，話唔定係pool party俾小朋友玩下水。
Ana R.手挽住一大袋，之後仲要去多一轉超市買嘢，睇見都覺得做人阿媽甚艱難。但，對比起以前啲碰壁情史，例如與張惠妹前男友周立璟分手後太傷心而激瘦二十磅；被已分手前度日夜跟蹤兼爬窗入屋；拍拖拍到崩牙、胸骨有裂痕等等，依家嘅家庭生活必定溫馨窩心好多！
當然，為人阿媽，亦都有頭都大晒嘅時候。Ana R.表示疫情期間，仔女都好乖唔抗拒戴口罩，指仔女戴上唔同顏色、圖案嘅口罩就好似著靚衫咁，所以都鍾意戴口罩，甚至視之為遊戲。不過，4歲的長女Maya會開始問啲「什麼是武肺」之類嘅問題。設身處地代入Ana R.角色，又真係唔知點將一個咁複雜嘅問題，向小朋友簡單解答。不過Ana R.話：「小朋友好聰明，佢哋知道有啲嘢係唔啱。(Kids are smart they know something is not right.)」
----------------------------
ChannelNEXT人民學堂：識法大講堂
曾志豪X劉偉聰 同你拆解「港版国安法」
立即收看
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|
