一切都係言語上嘅誤會。
藝人麥長青（麥包）疫市開店獲唔少圈中好友支持，就算戴住口罩都賞面出席，麥包果然人緣甚廣。其中藝人湯寶如亦有撐場，並將合照放上社交網幫手宣傳，點知卻引來與網民駁火！
有網友留言以為麥包新店係賣包，點知湯寶如竟然回覆該網友：「係呀！同你打包（將遺體放入屍袋）啊！」之後網友就回覆：「我講錯嘢開罪你咩？」雖然湯寶如自覺鬧錯人並補鑊：「沒有！沒有包賣的！」但有其他網友睇唔過眼留言：「嘩，人哋一句以為賣包，就話同人打包，惡到咁，公眾人物就收斂吓啦。」亦有網友認為佢直接話麥包新店係賣和牛食材，覺得網民無聊可以唔回覆，但就唔應該惡意攻擊。
對於湯寶言於社交網上載同麥包嘅合照後留言惹禍，麥包表示：「我一早返嚟送貨，返到嚟朋友畀我睇，佢都係講笑，每個嚟幫襯都係客人，都好多謝佢，湯記識咗好多年，冇必要搞大件事。」
來源 source: http://hk.on.cc
|
鍾意就快D Share啦！
|
|
|
