2020年7月22日星期三

病情好轉冇發燒冇用呼吸機　麥德羅為「播毒」致萬二分歉意 #麥德羅

病情好轉冇發燒冇用呼吸機　麥德羅為「播毒」致萬二分歉意

麥德羅今日病情好轉，仲精神奕奕拍片交代最新情況。

61歲麥德羅上周六（18日）確診新冠肺炎，目前於威爾斯醫院隔離病房接受治療，他昨日接受訪問時，仍聲沙欠中氣地表示吸氣胸口痛、口寡和有啲咳。不過打針後，今日病情似乎有好轉，已沒有沒有發燒、肚瀉、頭暈，下午還精神奕奕地拍片向傳媒交代情況，麥德羅說：「多謝大家一直以嚟嘅關心，實情我都唔知喺邊度得到呢個病，但同我有接觸嘅朋友，如果都感染到呢個病，我都萬二分抱歉，希望你快啲好番。我前日就冇用呼吸機嘞，呢兩日好番啲，尤其今日退晒燒，已經發燒咗5日喇，今日比較好啲，呼吸方面好少少，雖然仲有啲喘氣、肺仲有少少痛，但起碼冇痾冇嘔、冇發冷發熱，應該都會好番啲，聽日醫生會再同我檢查一次身體，再插條管入鼻哥窿Check吓有冇（病毒），希望所有關心我嘅朋友、感染到嘅朋友都快啲好番，大家最緊要小心、戴口罩、洗手。」