中國廣電總局擬有新指令，最近在大陸微信朋友圈瘋傳「20類題材審查及規避」給各大影視公司，透露廣電總局將會更加嚴格規限拍攝題材和內容，當中多項似乎都是不可能的任務。不過，杜汶澤向來計仔多多，首次執導的電影《空手道》已獲金像獎多項提名，阿澤見到「20禁」不足一小時，已出謀獻策，提出「破解」方法。
阿澤在facebook轉載《蘋果》相關新聞後，想了好幾個劇本供參考，包括：
「6）禁拍盜墓......
無問題吖！唔拍「盜墓者羅拉」可以開部「掃墓者羅拉」吖！
9）愛情劇不能太甜蜜......
好想開一部「很想和你分房瞓」！
故事講述一對男女愛上咗對方，之後結婚，不過大家分房瞓，因為心入面最愛嘅唔係對方，而係國家。應該過到。
13）同性戀點到即止，要轉為友情......
咁轉親戚得唔得？講一個男人鍾意咗另一個男人，後來發現原來嗰個係佢阿叔，之後大家將愛放下，一齊合力保護國家，部戲叫「叔叔」。
20）重拍經典表現正能量......
我會重拍「跛豪」，講跛豪一開始賣第一包白粉已經好後悔，自己揸住包白粉去差館自首，坐完監出嚟，改過自新，由於愛國嘅關係，隻腳仲無端端行得返㖭呀dxxm ！」
至於網民亦有好多非常搞笑的提議，有人將昔日無綫和亞視在每日節目播放完畢後的畫面cap圖，留言：「除咗拍魚樂無窮。我都諗唔到仲可以拍咩啦。」有人表態支持：「我非常支持這個審查，希望cctvb亦要跟隨！」有人亦憂慮疫情已令好多人無工開，如果太多規管更令業界雪上加霜。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|