疫情下食肆開分店 李家鼎做足政府指引
雖然香港疫情爆發第三波，各行各業再受打擊，但今日李家鼎與友人投資開設的食肆，擇咗吉日在山頂廣場舉行開幕。李家鼎與兒子李泳豪一同主持剪綵儀式。對於新店喺逆市下開幕。李家鼎表示原本一月開張，因疫情影響下，第三度延期，但認為無辦法要順其自然，又指開分店，皆因拍檔對他有信心。
談到政府實施「限聚令」兼6時後食肆禁止堂食，問到可有招數增加生意？李家鼎自言會跟足政府指引，晚上6時後改做外賣，並加強衛生環境，所以在食肆門外設置一部自動噴霧消毒機，可以由頭噴到腳，又設有網購服務，當中有鼎爺食物湯包及小菜可以網上叫外賣送上門服務。他說：「湯包可以存放兩年，我百份百保證，食物質數同現場食一樣，我哋研究整湯包用了好多錢，可以媲美太空食物。」
問到旗下的食肆生意如何？鼎爺直言多謝上天，疫情下的生意也可以。負責食肆網上宣傳食肆的李泳豪，表示不少客人詢問下午可有飲茶吃點心，於是5月18日開始設有茶巿，客人也願意出街吃飯，生意尚可。
談到可會擔心政府對食肆加緊措施，李家鼎說：「認命囉！唔通夠膽做咩？人哋想你好之嘛！我哋會跟足政府要求，仲要加倍。」
來源 source: http://hd.stheadline.com
|
鍾意就快D Share啦！
|
|
|