2020年7月14日星期二

【今次有雀】上三堂水墨畫已進步神速梁詠琪畫荷花好治癒 #梁詠琪

【今次有雀】上三堂水墨畫已進步神速梁詠琪畫荷花好治癒

梁詠琪上咗三堂水墨畫，作品真心不錯。

6月27日，梁詠琪(GiGi)去咗上水墨畫第一堂，畫嘅題目係「虞美人」，作品一曝光，網民均驚歎呢位媽媽級歌手好多才多藝，識煮餸，又識整麵包，甜品亦拿手，之前仲整埋刺繡，而家連水墨畫都識畫。第二堂，作品係山茶花，畫功細緻意境有幾層樓咁高。尋晚上三堂，今次畫荷花，佢話畫荷花想起自己嘅歌，畫荷葉就想起荷葉飯，咁招積咩?睇GiGi畫嘅荷花唔只靚，仲好有心思，因為佢畫多咗一隻雀，口擘擘唱緊歌咁，成個畫面好治癒。