句句有骨
林作與裕美這一對，你以為是男尊女卑嗎？錯喇！日前他為裕美慶生，可是卻遲收工，令裕美大為不滿，吃飯期間開Live唔妥到出面，句句有骨互片。裕美更話：「我真係X緊佢，我平時同佢嗌交都係咁樣！」
無論你係牛津畢業，定係會考零分，在愛情世界其實都唔係最重要，誰愛誰多一點，就吃定對方了。
裕美曾說，林作愛她比她愛林作多一點；又謂林作待她如公主。此言非虛，但又啱唔晒囉！起碼在裕美公主眼中，日前林作為她慶生就唔合格
- 一言不合，慶生變嗌交。
「即係最大唔係我」
上週六（11日）是裕美32歲生日，早已在同居愛巢切蛋糕，林作連咀她7啖，不知幾Sweet。正日更相約撐枱腳慶祝，但渴望在保險界闖出一番事業的林作，當天留在公司埋頭工作，入夜才收工。裕美認為他冷待她的生日，原本在IG開Live晒恩愛，讓Fans隔空參與她的生日飯，最終卻一言不合，你一言我一語，「火花」四濺。
趕收工為女友慶生，但裕美卻報以「黑面」，林作忍不住在鏡頭前話：「請個秘書返嚟，（將來）安排好時間。」
裕美不滿回應：「佢（秘書）話點你就點，即係唔係我話點就點？」
「你係咪幫我manage diary（管理日程）先？你係負責嘅話，我冇問題。」林作說。
「即係最大唔係我」裕美不悅。
「我最憎人冇口齒」
之後林作轉話題：「點解生日流流都要苦口苦面？」裕美即被他辣㷫：「呢條茂利，你自己講，你覺得生日唔係乜嘢一回事，所以就可以輕視其他人嘅生日，係咁嘅意思？我問你點解咁遲？你就答我生日之嘛，我從來都唔覺得生日係乜嘢一回事，冇嘢」
有網民質疑他們在「扮嗌交」，裕美反擊說：「你覺得我係做緊戲？我真係X緊佢喎，我平時同佢嗌交都係咁樣，如果你覺得我係做戲，我諗你誤會咗少少，我平時就係咁樣。佢幾衰呀，我最憎啲人冇口齒，仲要勁多解釋。仲有呀，冇人話過我戲屎。」
「做咩事X我老竇」
期間有網民無端留言「問候」裕美老竇，裕美即說：「上面嗰條茂利係邊個？做咩事X我老竇？你講緊邊個？你提我老竇做咩？你係咪幫手搵我老竇出嚟？你好想搵我老竇？呢位先生係咪除咗『你老竇』三個字之外，其他字都唔識寫呢？」有網民留言安慰她，裕美說：「我都想開心啲，依家見到七月十一日（生日），我都有少少恐懼同埋傷心。」
「你幾時有放注意力喺我身上」
裕美掛住回覆網民，林作爭取她注意說：「你先將注意力放喺我身上。」裕美聞言更不滿：「你幾時有放（注意力）喺我身上？你睇吓你，又唔顧其他人感受。」
林作打圓場，安撫她說：「請你飲咖啡！」
裕美推開他手上的咖啡，嫌棄地說：「好熱呀，你摸吓，你想乘機淥熟我個嘴？唔使呀，我餵你先啦，好唔好呀？我幫你啦？」
林拒絕她說：「自己嚟好啲，我手夠長。」
「你手長？」裕美明寸他。
雖然生日飯有點掃興，但嗌完交，轉個頭又沒事了。
其實林作真係好冧裕美，除了寫千字文護花，就算林母對裕美有保留，落閘拒絕讓她入門，但林作對這段情堅決不移，更懶理母親跟裕美同一座大廈出入的「風險」，已讓裕美進駐他的麥當勞道3,400呎豪宅。
面對咁多壓力仍打得火熱，耍下花槍，碎料 ----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
