- 【與校長合照歌迷鬧爆】梁漢文以《正氣歌》表態：我問心無愧便是了
- 3小時前
譚詠麟自公開撐警後，被不少歌迷離棄，雖然校長曾表示「唔好拉上政治」，但依然堅持撐警，繼續出席明星足球隊與警隊高層的飯局。日前，明星足球隊踢波，又相約曾任警隊公共關系科、現任葵青警區指揮官的謝振中。校長和謝振中及梁漢文等一班波友，還影了合照。
校長其後將相片上載到微博，有歌迷大鬧梁漢文，曾是梁漢文波友的王宗堯，又在社交平台批評梁漢文，「昨晚一整晚在想一件事；好波重要，定係梁知重要。」
今日梁漢文在社交平台上回應事件，「等咗半年先踢到一場波，估唔到依家踢場波難，原來做人更難。踢完走，校長拉住話影張相......做人應該尊重前輩.....影張相，原來會被人覺得犯下彌天大罪，天下判官何其多，我問心無愧便是了」，疑似火速與校長割席，合照更是「迫於無奈」，他hashtag「#明就明」、「 #唔明我都冇咩好講」、「 #多謝默默關心緊張問候我的所有朋友」。
梁漢文更用上由他所唱的《正氣歌》以表心跡，歌詞中的「其實我但求心安，這齣戲再難也努力演」、「同伴已將我變賣」、「還是確信做人是老實無價」，藉著歌詞訴心聲，大家又收到無？
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
