現年51歲的李健達，與89年出道時唱電影《阿朗的故事》片尾曲「也許不易」的時候相比，已經變成一位中佬。14年李健達血壓升到接近200，連平衡都有問題，多次出入急症室。
李健達指當時在內地拍劇，遇到一位中醫。「佢話我嘅身體寒濕，唔適合喺潮濕嘅地方住，要去一啲暖嘅地方，佢建議我去東南亞。」碰巧當時李健達哥哥從加拿大溫哥華搬到泰國，於是李健達決定到泰國住一個月，結果令他意料之外。「身體好多問題都消失咗，例如腰痛，濕氣重都冇咗，整個人都精神番。」
買入半複式樓
身體有改善，令李健達萌生移居念頭，18年決定以當地退休計劃，即50歲合資格人士，存款不少於20萬港元，並提供健康證明及良民證，便可申請在泰國定居。最初他在曼谷租樓住，後來更決定買樓。「最初租的嘅地方，如果換算港元月租約7,000元，面積接近900呎。」其後李健達花了120萬，買入曼谷市的「半複式」房子，他說:「我買嘅地區是Makasan，那種屋稱做LOFT，好有紐約風格，樓底高，入去第一層係廳、洗手間、飯廳，上一層係閣樓，有床有洗手間，第一層有400呎，閣樓也有約200呎。」李健達更分享買「平樓」的方法:「可以去位置較遠的地區，例如遠離地鐵站、機鐵站，我想應該可以50萬便能買入。」不過，李健達又提醒大家:「其實如果你想買樓，最好選擇兩類，一係買最低價，一是買貴價區，因為貴價區住唔少外國人，佢哋普遍比泰國人富有，所以較容易轉手。」
買樓手續簡單
對不少香港人來說，買樓有好多手續，在泰國買樓又如何？「文件手續真係相當簡單，根本唔需要律師，連律師費都可以慳番，大多數你唔會買二手樓，多樓買一手樓，除非你買二手樓先要搵律師。」李健達指一手樓只需到發展商簽署所有文件，以及付清款項後，便可順利收樓。15元食一餐
生活指數方面，李健達指15港元已經可以吃得不錯。「我主要食健康食物，對我身體好，以及唔使食得太昂貴，我平均一餐花費40至60銖，約15港元，已經有三餸一飯，我好少煮飯，主要到foodcourt食。」李健達計計數，每月只要港幣幾千元，便足夠過活。「舉例我每日花費80港元，計埋食飯及交通費，每日150港元已很豐盛，每月開支約4,000多港元已經過好好。」對做音樂工作的他而言，搵四千元生活費，負擔不重。雖然李健達對泰國讚不絕好，不過亦有讓他「不爽」的時候:「如果你唔係泰國人，好多福利都冇份，因為我哋係外國人，好多事情都無優先權，例如今次（疫情）我們想歧去，就唔會有優先，但如果你係泰國人，依家想返泰國，你去跟領使館講，就會替你安排，我哋呢種就要等到全面開關，先可以回去。」李健達又指「退休移居」，有另一個不便，就是每90日出入境一次，若果不出境，要到移民局報到，他說手續上較繁複。
示威影響不大
近期泰國再次有大型示威，要求政府改革，當地不穩政局，李健達話生活沒有太大影響。「我哋係外人，影響唔會很大，不過當佢哋示威時，你哋就唔好出去，佢哋唔會傷害你，不過如果有乜事，佢哋未必會分到。」14年，李健達在當地遇上學生靜坐抗議，膽粗粗的他更嘗試「融入」他們，「那時我整個星期都喺街上，大學生們會紮營，在旁煮嘢食，都好乾淨，我被佢哋感動咗。」
移居外地，不少人會擔心當地醫療，原來李健達也有這方面經驗:「我2015年3月份去拍戲，突然急性肺炎，我休息咗7日，我去咗當地醫療中心，睇一次醫生只係200銖。」
開網店增收入
自從靠自然療法治癒高血壓的李健達，即將報讀有關的遙距課程，將來遙距音樂工作外，打算經營網店賣健康產品，增加收入。「現時心態唔敢講賺好多錢，總之生活到就可以，我讀醫嘅心態係想幫人，好多朋友搵我幫手，我都幫咗好多個，教佢哋點食合適嘅食物，佢哋都成功。」對李健達來說，移居泰國減少生活壓力，也是他的養生之道。- 憑自然療法將自已的血壓高治好後，李健達更報讀課程，繼續鑽研。
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|