- 【18歲做未婚媽媽】55歲雪梨錯愛徐少強 感情屢遇騙子：好多一腳踏兩船
- 4小時前
曾經是80年代女神，同周潤發合作大台經典劇《親情》中飾演情侶的雪梨，現年已55歲。年輕時被愛情沖昏頭腦，尤其跟前夫徐少強的一段情。82年拍攝電影《養鬼》時認識徐少強，當年的她只有15歲，情竇初開，不理胞姐（米雪）反對，堅持與花弗的對方一起，18歲當紅時更做了未婚媽媽，犧牲事業。
日前雪梨接受好友苑覆丹訪問，擔任香港開電視節目《開工大吉77》嘉賓。雪梨在訪問中回憶當年與徐少強的相識經過，她說:「當年喺片場見到佢都係打個招呼，直到去泰國拍電影時，佢當眾錫咗我一啖，我就深深愛上了他。當年我只得15歲，我形容當時係天真無邪、係驚喜，你大我十幾年都會死喺我手度！」當時胞姐米雪得知二人拍拖，即時飛到泰國「救妹」。
「家姐去徐少強房間叫我走，好惡咁叫我買機票返香港，我話呢度未拍完，死都唔肯走，佢就激氣自己返香港。」雪梨億述。
當年雪梨未婚懷孕消息震驚娛樂圈，她更為兒子放棄事業：「當時知道懷孕時，仍有工作在身，都未見肚就拍埋先。我任性又深愛、又唔想墮胎，所以決定生BB。為生仔而放棄工作，我從不後悔，因為我過緊另一個階段、角色。直到我女兒出世（87年），就與徐少強分手，當時好像傷心了半個月，就去亞視繼續工作。」雪梨表示多年來，也有不少地下情，可惜當中不少是男友「一腳踏兩腳」，她說:「阿媽都話我命水係咁。」
如今仔大女大，雪梨亦分享與子女相處之道。「以前年紀輕唔識湊，以為打佢、鬧佢就得，用錯上一代嘅教法，所以一直都好內疚。到後期我同阿仔道歉，依家好似朋友咁教佢。嗱，18歲有性衝動，記得買個避孕套唔好搞出人命，要有經濟能力先好有BB。」由任性幼稚到成熟，雪梨唯一敢做敢言的性格，至今如昔。
- 55歲的雪梨，自言多年來有不少地下情，可惜當中不少是男友「一腳踏兩腳」。
- 日前雪梨接受好友苑覆丹訪問，擔任香港開電視節目《開工大吉77》嘉賓。
- 雪梨15歲的時認識徐少強，18歲更為對方未婚產子。
- 米雪在劇集《親情》中，曾與周潤發飾演情侶。
- 米雪與子女感情融洽，相處有如朋友般。
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|