香港人經歷大半年疫情，連專家袁國勇都怒轟港府抗疫犯下大錯，與市民感同身受的影壇大哥大洪金寶亦忍不住，直斥林鄭班子的措施進退失據:「我唔會講政治，只係用眼去睇！我一向叫香港市民靠自己，唔好話第三波疫情，如果香港政府再咁落去，第八波，甚至一百波都會發生。」
一字錯，滿盤皆落索！由三月撲口罩，到堅持不封關，豁免檢政策，荒謬堂食令，早已看出政府抗疫靠不住的洪金寶，每次出動都重裝備自保，且一講到抗疫政策，就鬧得到肉，字字鏗鏘。
- 自知一把年紀屬疫情下受威脅的高危對象，故洪金寶外出都做足防疫，兼且重裝備，為的是顧己及人，故他對疫情中無罩聚集，兼開派對玩，觸發播毒鍊的人士，非常不屑，鬧！
失業無援助
睇見疫情下民不聊生，他更加要噴:「好多人無飯食，開唔到飯，畀唔到人工，自己破晒產，但香港政府幫助過咩嘢呢？呢樣又話幫唔到，嗰樣又話幫唔到。我睇新聞報導，好多人失業幾個月，然後老婆搵份月薪萬四蚊嘅工作，之後去申請援助，政府話唔批，因為老婆有萬四蚊收入，所以唔符合資格申請。人哋一家有六、七口，政府唔去諗。」- 向來有碗話碗的大哥大，對抗疫一鑊泡的高官，鬧得到肉，並直斥他們沒在疫情下體恤民苦。
為老人發聲
他又為貢獻過社會的老人發聲。「我有位師叔，已經八十幾歲，幾十年前買咗一層樓，依家一個老人家無工作，留喺屋企，佢去申請援助，政府唔批，話因為佢有一層樓，所以無資格申請。人哋生活唔到，只得呢一層樓可以點樣？要轉咗俾人或者一無所有，係咪趴喺街邊先至有資格申請，呢啲係咩嘢政策？政府好多時都唔去諗申請人嘅家庭狀況。」鬧埋無罩播毒者
對於政府至今堅持不封關，又被批評免檢寬鬆多漏洞，大哥大用六個字形容:「荒謬到不得了！」「我唔想批評政府，不過政府對疫情有做過咩嘢幫助？」
對高官直斥其非，對於不負責任，爆疫後仍拒絕戴罩的市民，一樣鬧！
尤其那些無罩聚集慶祝，結果變成傳播鏈，連累他人的傳染者，眼火爆的大哥大，指他們死都要負全責。「每人罰三萬，死嗰個罰五萬，依家香港時勢生死未卜，唔知點算好，仲要搞啲咁嘅嘢！有此法例的話，就稱之為:死都唔得掂！」
揶揄堂食禁令
早排只實施了兩日的早午堂食禁令，他比喻亦夠晒精闢:「我唔知香港高官有咩諗法！叫所有人唔准堂食，然後提供地方畀人去食，即係所有人去嗰個地方就唔算聚集？咁我可以大方啲，叫高官喺上水或者香港仔買飯盒，然後嚟我上水屋企食飯，我提供地方畀佢哋集體食飯。
叫佢哋唔好坐巴士，因為有太多聚集，每個人自己踩單車過嚟！」
- 對只實施兩日便在全城炮轟中收回的早午市堂食禁令，他笑言開放自己屋企，提供地方給高官飯聚，揶揄高官反智決策。
形同虛設
講到隔離政策，大哥大說最近有親身經歷，體會當中之荒謬。「呢個係我嘅親身經歷，我嘅工人喺菲律賓返港，然後我搵地方畀佢隔離十四日，酒店由我哋俾錢。」隔離其間，這位菲傭再次進行深喉唾液檢測，就發現這個隔離政策，原來如同虛設。
「十日後要檢驗佢嘅口水，佢哋(衛生署)竟然要工人自己搵人，將口水唾液送去油麻地檢驗，呢啲係咩嘢政策？
我問點解工人啲口水液無人去攞？對方話請唔到人，香港政府請唔到人！我唔會講政治，只係用眼去睇。好似條手帶咁，你見新聞幾多隔離緊嘅人，仲可以周圍去，追蹤唔到！咁要條手帶嚟做乜，做乜要花咁多錢整條隔離手帶，根本同戴張紙條冇咩分別！」
- 跟他口罩打孖上的菲傭，早前返港在酒店接受隔離十四日的經歷，大哥大話從中發現隔離措施的漏洞。
提海員豁免檢疫把幾火
自七月香港爆發第三波，疫情失控，連日過百宗，政府後知後覺，上周才收緊豁免檢疫，大哥大繼續把幾火！「呢個星期(上周)先對海員收緊，之前一直都無禁，唔需要檢驗就可以周圍去，病毒佢哋有份帶嚟，海事處有冇解釋過？點解呢方面要豁免呢？點解完全唔使檢驗呢？
而家香港爆發第三波，惟有叫市民睇開啲，自己小心啲，香港政府繼續咁樣，我諗應該會有第十八波，同落第十八層地獄一樣。」
三月寡母論
其實今年三月，市民經歷撲口罩苦況下，大哥大為此開腔:「寡母婆死仔，無晒希望，如果所有人要靠政府，就係呢句形容處境。」當時他已預計，政府抗疫措施不力，疫情難制止。
「我諗呢個病毒起碼到九月底，分分鐘未必可以，總言之希望疫情快點過去，希望所有人都健健康康。」
- 今年三月，市民撲口罩苦中，大哥大以寡母論，形容對政府抗疫不存寄望，靠自己最實際。
ChannelNEXT人民學堂：識法大講堂
曾志豪X劉偉聰 同你拆解「港版国安法」
立即收看
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
