近日武漢肺炎每天確診個案仍維持每日雙位數字，今日爆出無綫電視城「失守」，娛樂新聞台一名導演Joey昨晚確診，據知與其同住的3名家人亦中招，大台台前幕後顯得人心惶惶。
自施匡翹染疫事件，藝人開工都十分擔心，朱凱婷今晚便要返電視城做《東張西望》，大台近日為主持出鏡好看，分配他們佩戴透明口罩，但這些口罩好睇唔好用，只能防飛沫，不能阻隔細菌，化學博士K Kwong直言透明口罩防疫效果「多數都冇用」。朱凱婷今日回覆傳媒時說：「知道公司有同事確診，冇話擔唔擔心，無論點情況都要超小心，始終我家仲有小朋友。」問到今晚是否仍會佩戴透明口罩出鏡？她續說：「咁要睇公司安排，睇吓有冇最新update，其實廠內兩個主持戴透明口罩，工作人員都戴外科口罩，距離我哋都遠。我返公司開會到出鏡都係好少除口罩，化妝間化妝都係戴住化對眼，跟住去返自己架車化埋臉下部，喺自己車廂好似安全啲，休息都喺自己車，入廠先出現。」
停工避疫兩周的薛家燕，上周都重返電視城錄影節目《流行經典50年》，今日大台爆出個案，薛家燕回覆《蘋果》時說：「周二要再返電視城錄影《流行經典50年》，對於今日有導演確診，我要了解吓呢位導演到過邊啲地方，公司可能都會有安排，佢哋都會緊張！周二錄影，除咗做主持仲要唱歌，我都要諗吓辦法，我問緊一間消毒公司仲有乜嘢法寶，我都訂咗消毒咪，我訂咗四個畀主持人。」
兩女之母的黃婉曼明天要去電視城錄影新節目《搬家》，她今日回覆《蘋果》時說：「我都擔心，好恐怖咁，我都會全程戴口罩，又掛住空氣清新機，希望可以淨化到空氣。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
