「Ball后」薛芷倫（Fanny）在2009年患上乳癌，抗癌後患上Stevens-Johnson Syndrome（SJS）的後遺症，令到昔日美貌起了大變化，她的尖下巴及厚口唇成為網民熱話，被質疑整容失敗，而她解釋是化療後的嚴重併發症，加上藥物敏感所致，而網民如常在她的帖文留負評，網絡欺凌現象持續多年。
在疫情下，Fanny留在家中防疫，她不時在IG及微博等社交平台分享健康食譜，更拍片示範煲湯水，由準備食材到最後滿意地享受製成品的過程等。Fanny拍的片段手法，多以用濾鏡拍攝，她的皮膚白晳，更加突顯尖尖下巴。最近，她於5月時在微博貼的煲湯教學片，被大陸網民留言鬧足兩個多月，當中留言：「你的下巴像給白雪公主吃毒蘋果的巫婆」、「一早見鬼」、「點解要咁樣出來嚇人？阿姨定阿鬼」、「這個是倩女幽魂裏面小倩的妹妹」等。
《蘋果》今日聯絡Fanny，她EQ高地笑言：「在屋企躺着也中槍」。她聲言影片沒有P圖，只是較了濾光，因為拍在家中拍片因沒有專業燈光，故要調教光暗來進行拍攝。」對於網民毒舌，她表示：「呢啲網絡欺凌都持續咗5、6年，而家疫情之下，個個喺屋企無嘢做，被佢哋發洩下，我唔會怪佢，佢哋講嚟講佢都係話我下巴，話我似鬼出嚟嚇人，又話我似外星人，其實無論我扮靚去活動，定喺屋企素顏都話嚇親人，佢哋仲記得我做過《倩女幽魂》，做王祖賢個妹，可能覺得我有鬼嘅氣質。」Fanny坦言被網絡欺凌多年已刀槍不入：「而家我貼文，都仲見到有負評，我都會delete佢，不過我唔會日日坐喺度刪。以前心靈脆弱會唔開心，我自己而家身心健康，唔會畀佢哋影響到心情，亦唔會介懷，自己無做過錯事，不過佢哋人身攻擊成日都好似鬧我一個，好多藝人貼相有P圖，班網民仲喺度讚，都係顛倒是非。」
來源 source: http://hk.appledaily.com
|
鍾意就快D Share啦！
|
|
|
