武漢肺炎第三輪爆發，令香港連續12日逾百人中招，近日稍稍回落，但疫情仍然嚴峻，市民都減少出街，加上堂食諸多限制，好多人寧願買餸返屋企煮飯仔。日前農夫成員C君（鄭詩君）和DJ老婆黃天頤拍拖去街市買餸，全程拖實老婆晒幸福，被讀者彭先生透過「爆相爆片」分享。
當日下午2時許，着T恤、短褲、涼鞋街坊裝的C君，與戴草帽的老婆現身荃灣街市，雖然C君冇戴招牌眼鏡，但一樣被認出。讀者彭先生在電話說：「嗰日喺荃灣街市附近，見到佢拖住老婆行入街市，佢哋先去菜檔，連菜檔阿姐都認到佢：『你好似TVB嘅明星喎！』但講唔到名，C君：『你咁犀利，戴住口罩都認到。』菜檔阿姐：『梗係認到你，你咁紅，成日上電視。』」菜檔阿姐跟C君好好傾，又指成日見到明星來買餸，之前就見過苑瓊丹，她找錢給C君時，C君老婆好有禮貌講唔該。
買完菜之後，兩人去隔籮檔買臘腸，阿姐又認出C君：「我晚晚睇你㗎。」變了街市紅人的C君心情靚爆，拿着一大袋餸菜與老婆離開，望清楚冇車才拖老婆過馬路，讀者都讚他是正宗暖男。
C君於去年尾與港台DJ黃天頤拉埋天窗，C君表示因黃子華在棟篤笑的一番話，一言驚醒令他萌結婚念頭。婚禮當日許下愛的宣言，亦是參考子華棟篤騷的內容，C君承諾將來若違誓，必遭天打雷劈！而陸永爆C君暗戀老婆20年，C君笑言是明戀，「單戀咗十幾年終於可以拍拖，唔通諗分手咩，梗想開花結果。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
