何敏怡（Homan）這位90後，外表斯斯文文，內裏卻是個打得之人！
於大專修讀牙科助理及平面設計的Homan，平時除了愛設計工作，更鍾情於戶外運動，泰拳、白眉拳、踏單車、划艇等，是少有動靜皆宜的女生，Homan說：「讀書嘅時候大家都覺得我外表好似護士，所以佢哋會直接就叫我護士，當時去讀咗個牙科助理，做咗年幾。」不過性格活潑、喜歡曬太陽的Homan不甘坐定定的工作，所以便決定一闖娛圈，前年她擔任美女學徒正式入行，Homan笑說：「你叫我一世困喺寫字樓我係唔得嘅，可能我個人都鍾意創作，古靈精怪，所以我就再去讀平面設計，一直都想開舖，有自己品牌，之前都會幫朋友拍吓嘢，拍微電影，啲人話我靚，我應該唔係嗰一批，係醒目啫，而家全職入咗娛樂圈，閒時都會設計同做運動操弗自己。」
學了泰拳3年，開始時Homan只是希望令線條更美，現在她卻打出興趣來，她說：「我好似好揪得㗎！但體重比較輕，點知喺台灣一個功夫武術比賽攞到冠軍，努力冇白費。」Homan不怕周身傷，只要喜歡的便去做，她更笑指自己是馬騮精，目標成為新一代打女！
正式入行後Homan也遇到很好的工作機遇，她說：「好好彩接咗個好好嘅角色，喺網絡劇《戰毒》入面做吳卓羲妹妹，當時聽到呢個消息真係大嗌咗出嚟，好開心！吳卓羲哥哥好錫我，教識我好多嘢，好nice，我都有唱佢啲歌㗎，佢真係好型，keep到好弗！又另一部電影叫《金童》，係演張繼聰小師妹，可能大家知我識打拳，套戲係講打拳，好多導演都覺得我好文靜，其實我係好活潑，搵我做古靈精怪角色就最啱。」
Homan形象百變，吸引不少廣告商垂青，她又爆自小一直會發明星夢，更視陳慧琳為模範，她說：「自己唔係演戲出身，信心唔一定有，但都希望自己可以增進演技、改善自己，我份人係慢熱，我個人感性，呢類戲我會有多啲信心。」Homan笑容甜美，笑起來更與米雪有幾分相似，她笑說：「其實我爸爸係男版米雪，大眼睛、高鼻，我有時覺得自己笑起上嚟都似，好榮幸，真係好想同米雪姐合作㗎，做佢囡囡、家人，做咩都好。」
Profile
何敏怡（Homan）
三圍：32C、21.5、33.5
學歷：大專
入行經過：2012年參與微電影創作比賽，跟蔡瀚億主演微電影《我的世界不能沒有你》奪得網上評審最佳女主角獎，至2016年參與viuTV真人騷《煮餐飯有幾難》，2018年擔任《美女廚房》其中一位美女學徒
強項：自小習武（白眉），熱愛運動，2014年曾奪台灣新竹市國際功夫武術套路─（南拳）冠軍
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
