留屋企抖吓都好。
歌手麥德羅日前與劉少君因新冠肺炎康服出院後即茶敍，結果引來網民抨擊，憂心他們播毒。繼劉少君拍片解釋後，麥德羅也拍片向大家道歉，他說：「首先同網民、讀者講聲對唔住先，因為睇到一些報道好唔開心，嗰日一早應約劉少君出嚟喺我樓下附近飲茶，出嚟分享吓我哋好番嘅喜悅，亦都分享吓喺醫院要注意嘅衞生，喺醫院係四個人一間房，瞓覺時都要戴住口罩瞓，唔戴口罩瞓係好危險，我知道出嚟飲茶係唔啱，係一個大意，先同大家講聲對唔住，多謝呢兩個星期照顧我嘅醫護人員，同家人講聲對唔住，因為令佢哋受到影響，公司一直有照顧我，畀啲營養品我。」
他續說明白就算好番，都不要立亂約朋友飲茶，盡量留在家中兩星期以調理身體，自己下廚煮食又好，總之就不要外出應酬或聚會，最後他希望大家都注意衞生，身體健康，他說：「對唔住所有朋友，我做錯了。」
來源 source: http://hk.on.cc
|
鍾意就快D Share啦！
|
|
|