疫情非常時期，不少人為減少社交接觸而留在家中，閒時做運動，增強身體抵抗力，近日許多藝人在社交網晒做運動的影片。27歲準人妻何雁詩都唔執輸，身穿粉紅色吊帶小背心，化濃妝拍片，以為佢嘅條片係教人做運動，點知佢離奇喺IG晒一條僅9秒的NG片。
片見佢先彎低身調整鏡頭，大晒事業線，之後講幾句就「食螺絲」，佢即做出誇張表情，伸脷兼傻笑，佢喺IG寫道：「最近好多朋友問我用咩方法可以短時間內fit返呢？兩個禮拜時間可以做到㗎，畀大家睇吓NG片段先。」未知是否影片用咗Filter，一開始睇何雁詩個樣完成「進化」有啲似薛凱琪同松岡李那。
不少網民對佢離奇出post行為並唔多like，批評佢機心重，紛紛留言「想露都唔使咁呀」、「好似特登著細咗個碼」、「表面上NG，實際上露波」、「好似個bra要買大一個size着得辛苦咗」、「唔好做到自己咁cheap……冇必要出胸」。而何雁詩敢「露」敢言在IG逐一回答網民，佢表明自己樂於聽人哋意見，不過佢堅稱自己是穿着正常嘅運動衫，不過下次佢都會注意吓自己嘅形象。
另有網民則批評佢冇必要反應咁大：「衣服是正常，頭一秒容易被人誤會是另有目的，但是你的反應亦過大，有點不正常，沒必要啊！」何雁詩亦不甘示弱在IG反擊：「明白，如此來說，其實大家對於網上資訊也無須反應過大，沒必要的。」何雁詩自言以往好少發聲，聽取大家意見後，她也非常理解，佢強調冇諗過大家會有啲咩回應，只係覺得遇到啲自己唔太贊同嘅事情應該要發聲，何雁詩在IG亦回覆：「至於是否討好，實在沒有太多去想，暫時覺得自己做好自己，分享一些對其他人有value的事情就可以啦（例如音樂和健身分享），如果討好全世界是我的目標，我想一輩子也沒可能實現呢。」
不過網民仍質疑：「頭一秒（嗰個鏡頭）係咪真係有需要?」何雁詩答沒必要，但佢認為沒必要剪輯，自己只希望以健康方式展現自己的身體，該名網民解釋自己平時有留意何雁詩嘅post：「我都有睇開你，有like你啲post，不過今次真係覺得露多咗所以先留言，當然你咁fit有自信係好事，個人而言係over咗，可以ignore。」何雁詩亦向該網民道歉：「如果你認為這樣不合適，我深表歉意。唔緊要，我明白，我都尊重你意見同埋會留意返。」
佢啲fans亦努力反擊網民，為偶像抱不平，「這條片出咗冇幾耐就已經差唔多有五萬views，四千多個like，唔好因爲幾個有心攻擊妳嘅留言唔開心，否則就中計喇。我係妳就日日着出video。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|