【米芝蓮出沒】唔戴口罩行夜山 變身OL麥明詩身形暴脹
「十優港姐」麥明詩(Louisa)喺之前嘅熱播劇《殺手》中飾演黎耀祥視障女兒閻素之，演技獲讚賞，惟她決心暫別幕前，學以致用轉行做國際商業顧問。昨晚Louisa喺IG上載咗三張冇戴口罩，素顏行山相，見她束住馬尾，穿上緊身運動裝、手持行山杖，表示由鶴藪行到大美督。其中一張係對住個月亮食緊月餅，仲相約跟她合作過《單車遊學團》嘅拍檔潘梓峰(Bryan) 中秋節一齊踩單車、行夜山兼一齊食月餅。
Louisa未有交待係咪舊相重溫，還是趁住昨晚係friday night行夜山，她寫道：「呢排成日留喺屋企多，做嘢又比較忙，有一段時間冇出去同大自然玩遊戲，好掛住以前成班人一齊行山、踩單車、潛水嘅日子，唔知幾時先可以再玩過？收到月餅先發現原來中秋節就快到，以前過節都會約埋一班朋友聚一聚，人月理應團圓，今年，可以嗎？中秋想見你again @danwan @bryanpun 我地約埋行完夜山、踩完單車一齊食月餅？」
如果係新相嘅話，過住OL生活嘅Louisa，加埋「抗疫肥」，麥明詩明顯肥咗，穿上貼身運動衫身形更見肥嘟嘟，白色外套透視到粉紅色運動Bra，上圍相當豐滿，仲突出咗個胃腩。有網民錯焦點留言：「個Bra好紅」、「身材勁咗，個胸大咗」，隨即有粉絲為麥明詩護航，嬲爆回應：「雖然你講乜唔關我事，但係點解人哋好健康去做運動，你硬係要講個胸大咗身材勁咗？我就覺得個笑容比以前更開心。如果你想睇鹹濕嘢點解你要follow佢？」亦有唔少網民認同她「胖了」、「米芝蓮出沒」、「成個月餅就咁啪，好癲 ... 」也有人表示「Miss you so much」及提醒她「注意安全，最好帶返個口罩。」
來源 source: http://hd.stheadline.com
|
鍾意就快D Share啦！
|
|
|