「木偶哥」林師傑今年6月宣佈跟無綫和星夢解約，踢爆無綫要他轉簽「6 show」約，開侮辱價1年得12,000收入，在IG貼圖「尊悲不分」4字宣洩不滿。「超級巨聲」出身的他希望出碟做歌手，「自己寫埋寫埋至少十幾廿首喺床下底，諗點樣蒙面出歌，諗咗5年，做現實中嘅木偶哥。」
事隔3個月，寧棄大台做獨立歌手的林師傑，終於推出新歌《尊悲不分》，MV今日上載YouTube，林師傑接受《蘋果》訪問表示：「想用一首Cantopop去先做個總結，《尊悲不分》係我5年前寫嘅，當時用嚟記錄自己心情，其中一句歌詞『應變再應變 能累積經驗』，經驗越多，受傷越多，呢一句係我對自己嘅安慰，好記得當時嘅無力感，究竟可以再做啲乜？究竟我做錯咗啲乜？係咪我做少咗啲乜？點解我條路永遠比其他人難行！」
5年前，林師傑藉《愛回家》最後一個機會寫了《木偶歌》，獲得大家支持，「當時大家都恭喜我簽咗舊公司，名義上成為咗一個歌手，但我好明白自己被簽嘅原因，係舊公司需要擁有我啲歌曲版權，而唔係任何其他承諾，例如再出自己寫嘅歌。但寫歌從來係我搵自己嘅方法，所以我冇停過。」
其後林師傑寫好《尊悲不分》跟同事分享，大家都讚好，「仲話舊老闆應該會鍾意，但最後嘅答案係要我起碼寫200首，先有可能中一首。諗諗身邊同事嘅portfo，笑一笑，『邊個聽話，咪錫邊個多啲囉。』一切聽從公司安排，冇錯。不斷聽從公司安排，自己唔開心，唔識為自己爭取回報，搞到同觀眾距離越來越遠，冇新作品畀人聽到，呢一切絕對係我嘅責任。」
等了5年，終於自己推出新歌《尊悲不分》，「我唔係想指摘任何人，而係想承擔番自己嘅責任，同愛我嘅人講聲『對唔住』。我嘅唔快樂來自於對自尊心、尊嚴、自卑、悲傷嘅不分，呢首歌係第一首以林師傑身份出嘅歌，亦係最後一首講以前自己嘅歌。追夢，好多人講得好容易，而我好清楚自己算係幸運嘅一群，因為總有朋友願意鼓勵我繼續堅持音樂。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
