恭喜哂！娛樂圈又再添喜事！前女子組合「As One」、選過港姐的25歲陳苑澄（Tania）昨晚在IG分享被求婚成功，她在社交平台截圖轉貼未婚夫Gary的貼文，相中大晒目測至少3卡的巨型鑽戒。她興奮於帖文中寫道：「Yes yes yes」加上笑到喊emoji，同屆港姐冠軍陳曉華、蘇皓兒及王宗堯等紛紛留言送上祝福。
Tania今日回覆傳媒查詢，她透露未婚夫求婚時沒有單膝跪地：「好平凡咁返到屋企，佢就求婚，我以為會好冷靜，不過都幾感動。」她坦言當時感動到喊：「佢話知道自己有好多缺點，多謝有我包容佢，希望我嫁畀佢，都係簡單而隆重。」Tania大讚未婚夫很顧家，而且對她疼愛有加。至於婚禮安排，Tania坦言不想擺酒：「婚禮希望可以係close friends同屋企開party咁，人數可能預計100人，應該會喺香港，希望下年，都要睇疫情。」
成為準人妻的她，多謝好友們的祝福：「不過其實我未有婚禮的planning，決定咗再update大家。」現時Tania忙於為大台劇集《逆襲人生》及《兒科醫生》，她表示婚後仍會繼續工作，亦否認是雙喜臨門，Tania笑謂：「唔係啦，唔係之後點開戲。」
Tania甚少分享感情事，據悉，她與未婚夫Gary拍拖近一年，Gary是老字號酒行太子爺，外形高大靚仔，兩人因為跟同一健身教練而認識。她5月時受訪，曾表示與男友拍拖約半年，當時亦未有結婚打算，如今突然晉身人妻界，兩人果然愛得甜蜜，戀情極速升溫。
曾是香港藝術體操隊成員的Tania，2012年以女子組合As One身份出道，她們曾到韓國發展，2017年她退出As One並回歸校園修讀心理學。2018年，Tania參加香港小姐競選順利晉身最後五強，其間因在移動中的車輛外拍攝「Kiki Challenge」，被網民指她罔顧交通安全，幸好未獲大台處分，並加入大台演出多個綜藝節目及劇集。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
