譚凱琪（Zoie）今年年初宣佈與圈外男友結婚後，六月再公佈懷孕喜訊，周一（十九日）就正式宣布成為人母，誕下重六磅八的B女，母女平安！可喜可賀！
其實，早在B女未出世前，作為緊張大師的她，已經日夜在家上網搜羅BB用品，半年前更找來郭富城的御用風水師擇日開刀，祈求B女健康、聰明。據其閨密透露，Zoie最緊張女兒學業，問定老友如何搭路入名校之餘，更已買下千萬教育基金，為B女前途花盡心思。
受疫情影響，譚凱琪原本在外地舉行婚禮，但無奈要取消，最後改在香港低調完婚。
譚凱琪宣布成為人母，誕下重六磅八的B女。
似爸爸未改名
譚凱琪於周一（十九日）宣布，日前誕下重六磅八的女兒，仍未改名，但女兒就似足爸爸。譚凱琪憶述：「其實，爸爸想女兒似我！哈哈！因為係開刀半身麻醉，身邊嘅護士醫生，都要咬實牙根好用力搏命去推個BB出嚟，好似仲辛苦過我，但我半身麻醉完全冇感覺，真係辛苦晒手術室入面所有醫護人員同醫生，聽到BB喊嘅一刻，真係好感動、好開心！」
三十九歲的譚凱琪，二十年前被日本音樂教父小室哲哉睇中，以歌手身份出道，同年推出首張個人唱片《全力愛》。一心全力發展歌唱事業的她，其後更到台灣發展，可惜星運一般。〇七年，她回流返港加入有線電視，一三年轉投無綫。而擁有一副鄰家女孩樣貌的她，非常入屋，近年在不少劇集中，如《EU超時任務》、《不懂撒嬌的女人》、《大帥哥》及《降魔的2.0》中都表現突出，吸納了一班宅男粉絲。
據悉，為了BB能健康愉快成長，Zoie搵了郭富城的御用風水師譚雲龍，擇日開刀。
為了BB瞓得舒適，Zoie竟買了三款不同功能的BB牀。
來源 source: http://eastweek.my-magazine.me
|
鍾意就快D Share啦！
|
|
|
