2020年10月27日星期二

老公當兵駐守阿富汗《靚太軍樂團》軍人老婆搞合唱團排解寂寞

組成合唱團嘅原意唔係要出名，不過世事總係無心插柳。

老公當兵駐守阿富汗《靚太軍樂團》軍人老婆搞合唱團排解寂寞

組成合唱團嘅原意唔係要出名，不過世事總係無心插柳。

《靚太軍樂團》由金像級大導彼德卡丹尼奧執導，改編自真人真事。電影講述一班英軍要前往阿富汗駐守，上校的太太凱特（姬絲汀史葛湯瑪絲飾）找來另一位軍人老婆麗莎（莎朗賀根飾）幫手搞活動，讓一眾英軍靚太有地方可以聚頭排解寂寞。點知兩人性格南轅北轍，經常因意見不合而爭執，凝聚唔到其他人，俱樂部變成一盤散沙。

姬絲汀史葛湯瑪絲因為老公要前往阿富汗，決定搞活動畀一班軍人老婆過日辰。

姬絲汀史葛湯瑪絲同莎朗賀根夾唔到嚇親其他人。

直至某日有人建議組成合唱團，竟令靚太們漸漸走近。沒有學過唱歌的她們由唔識樂理、五音不全，到被邀請登上英國最著名音樂廳表演，過程熱血又窩心。一群太太為身在戰地，無消息即係好消息的丈夫擔憂，好彩有彼此互相扶持，而音樂亦意外成為讓她們堅持下去，撐起一頭家的力量。《靚太軍樂團》將於11月12日上映。

一班靚太有個共同嘅擔憂，就係驚老公出事。

合唱團令靚太們找到心靈寄託，連沖涼嗰陣都要唱。

「靚太軍樂團」收到邀請，在軍人紀念會表演。

姬絲汀史葛湯瑪絲同莎朗賀根最後都成功磨合到。

一眾合唱團成員成功建立友誼。

來源 source: http://hd.stheadline.com

鍾意就快D Share啦！