83歲資深演員余慕蓮（魚毛），前晚傳因肺纖維化要在伊利沙伯醫院ICU留醫，《蘋果》記者當晚致電余慕蓮手機時，接聽女護士表示：「佢而家插晒喉啦，你叫屋企人唔使打嚟喇。」消息指魚毛要換血及進行小手術，目前仍在ICU留醫。
據了解，余慕蓮不幸患上血癌，其身邊好友向《蘋果》表示：「原本要打標靶藥 ，但醫生話唔可以打住，因為佢情況唔太好，所以要喺ICU同佢洗血 ，因為啲血病菌傷害咗個肺，所以佢個肺好弱，要同佢插喉。」
《蘋果》致電魚毛好友鄧達智，問魚毛是否血癌，他說：「醫生當時係咁同佢（魚毛）講，我唔知佢有冇聽錯，始終佢年紀大，我知佢換血，有啲嘢被感染到。」鄧達智表示，魚毛一直想將所有身家捐給慈善機構，但她還未簽好文件便入了院，他說：「我哋有個好朋友勸佢簽咗啲文件先入醫院，如果唔係有乜事你入咗院都唔知點搞，點知佢可能心急，自己call白車入去，應該係11月2號。佢入咗院之後，醫生曾經同佢講，你想見邊啲朋友，就叫邊啲朋友嚟見佢，我哋聽到之後都知道大鑊，點知佢見咗第一批朋友之後，佢就入咗ICU，輪到我第二批見唔到，而家都冇人知道佢情況點。」
安德尊跟魚毛份屬友好，今日他接受傳媒訪問，被問到魚毛是否患血癌時，他說：「又唔係，只不過治療中，血發炎，要幾日治療。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|