現年的66歲「肥媽」Maria Cordero葡籍丈夫Rick，在本月初因肺腺癌併發肺炎離世。肥媽今日在facebook中上載一條短片，她謂知道大家都擔心自已，故特意拍片交代現況，不過片中的肥媽一提起丈夫突然離世，亦忍不住喊了出來。
影片一開始，肥媽一直攬着撲向自己的狗，然後着大家不用擔心，因為她有家人陪伴，但此時肥媽開始哽咽說：「朋友都嚟……」之後滿臉愁容的她，向攬着的狗輕拍了幾下後說：「佢哋真係識性、幾乖，我坐邊度佢哋就嚟晒陪我，日日都係㗎，所以唔好擔心。」然後肥媽開始憶述丈夫去世時的情況，強忍淚水說：「我老公係……半日之內，佢自己入醫院，最後同孫女講完電話之後就瞓覺，佢好安詳，我估唔到，真係嚟得太突然……真係幾生修道。佢臨走叫我多啲同朋友、屋企人一齊，因為佢病我照顧佢，幾年都少出街。」
雖然肥媽指Rick屬於天主教，但因他生前表示喜歡看自己拍的煮食片，故肥媽指已買了紙紮iPad在三七時燒給亡夫。本來心情已有點平伏的肥媽，突然再度哽咽，然後喊住話：「我其實真係唔覺得佢走咗，太突然，我好多謝個個關心，傷心一定有，呢排準備同佢辦埋後事先，唔係好想見人，辦埋啲後事先再睇吓點。」
肥媽又特別提到：「大家唔好擔心，（睇吓）我幾多狗陪，我好多朋友都陪我，同我屋企人，真係好多謝，我啲屋企人幾忙都好，日日都搵啲人嚟陪吓我嘅，所以希望大家唔好擔心，我辦完晒所有啲事，希望個疫情快啲走咗去，（用手抹淚）可以大家敍一敍。」肥媽坦言，自己拍片是為了讓大家放心，不用擔心她，以及趁機向大家致謝。
肥媽數次讚家5隻愛犬很有性：「呢幾隻狗狗真係好有性，4號入醫院，5號嘅凌晨1點03分唔響度嘅，我返到嚟屋企搞晒啲嘢都3點幾4點，佢哋響度喊，所以啲狗好有性。我一出嚟坐，佢哋（愛犬）就係咁陪住我，得閒就走嚟錫吓你，然後就坐低，真係好有性㗎！大家都需要好朋友，但有陣時唔好唔記得咗，你最好嘅朋友響你身邊。」肥媽一提到愛犬有時會到亡夫生前所到之處坐下，似緬懷主人時，肥媽就忍不住眼淚。
另外，有報道指肥媽將於本月17日為亡夫在北角香港殯儀館設靈，翌日移靈火化。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|