假如置地廣場是中環地標，深水埗的代表好有可能就是黃金商場。當年以砌電腦獨步，近年特色咖啡店進駐大南街、基隆街一帶，建構成一處文青小社區，跟不遠處以鴨寮街為中心的雜架攤遙遙相對，兩者和而不同。
林耀聲、顧定軒早前合作演出梁銘佳執導的電影《夜香‧鴛鴦‧深水埗》演一對兄弟，糾結於母親留下的一間玩具店。他們早前在深水埗一玩具店接受《蘋果》訪問，作為九龍人對深水埗的印象，林耀聲話是人多擠逼，一處好man的地方，他說︰「之前行深水埗覺得，點解深水埗咁多男人，我細個淨係去深水埗黃金砌電腦，或者去高登買game，其他嘢我都忽略咗，近5、6年搬咗出太子住，發覺深水埗係一個寶藏，搵到好多平靚正嘅嘢，二手、懷舊嘢。」
戲中經營玩具舖，自古以來玩具對男孩的意義重大，林耀聲更話具教育意義，他笑說︰「睇《數碼暴龍》成日幻想自己係太一（片中男主角），幻想自己有一隻亞古獸，影響我對人對事都要做好人嘅心態，細個嘅正義感係來自卡通片、玩具。」面對區內美食林林總總，林耀聲獨好豬潤麵，每趟吃完都徒步返屋企。
顧定軒兒時最熟悉的是西九龍中心，他說︰「細個成日嚟打機、食壽司，有蘋果商場，最重要係16歲以下都可以入嘅機舖，以前細個好想入去打機，嗰度有全港唯一可以16歲以下入到嘅機舖。」區內的豆腐花、煎豆腐及蛇羹都是由嫲嫲帶他品嚐。
講到本土議題，顧定軒話本土就是屬於自己的人和事︰「係得香港有，其他地方冇，嗰種獨立性就係本土。」面對逐漸褪色的香港，顧定軒認為電影變得更重要，負起傳承的責任︰「做電影、藝術就係將以前傳承嘅美好畫面、事情去記錄低，所以將我哋唔想流失嘅文化放在映像、音樂上。」林耀聲認為「本」即是自己，「土」是地方，即是自己地方的東西，所以本土一定是made in Hong Kong，外地人見到會想起香港，當地人見到有歸屬感，就叫做本土。
採訪︰張明
攝影︰陳慧安
場地提供：三和玩具公司
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|