雖然釣唔到四房何猷亨，但絕對沒打擊馮盈盈的富貴夢。靚女自然多人錫，舊老闆「殼王」陳國強年初已退休，但沒忘記這位惹火港姐。
繼30歲性感女神張曦雯之後，26歲馮盈盈成為殼王新寵，近期她富貴搬大屋，同時豪買20萬Hermès手袋，排場升呢！
- 約20萬的拼色Hermès Mini Kelly，需VIP訂製。
- 在新居露台晒美腿欣賞海景。
- 26歲馮盈盈是16年港姐冠軍，三圍31C、22、33.5。
- 30歲張曦雯是12年華姐冠軍，三圍34C、24、35。
張曦雯已成過去
今年初離開無綫，65歲陳國強辭任主席及非執行董事，享受退休生活。不過，他一向好欣賞選美出身的大台花旦，以往曾跟華姐葉璇激情辣舞貼身「磨爆」，又先後跟幾位港姐，包括郭羨妮、徐子珊和高海寧傳過緋聞。至於12年華姐冠軍張曦雯，則是他在任時的最後寵將。裸退無綫後，陳國強不愁寂寞，跟張曦雯一樣樣靚身材正，但嫩口四年的16年港姐冠軍馮盈盈，成為他的新寵。
被殼王睇起，馮盈盈頓時富貴逼人，疫情下娛圈差不多停擺，唯獨她愈顯富貴，更忍不住在IG炫富。不過識晒，當然在IG Story晒日前她以爛牛配露腰裝，再以桃紅色Balenciaga cap襯約20萬的Hermès Mini Kelly，這個拼色Mini Kelly需VIP訂製，有錢都未必買得到，馮盈盈真係有計！
由6萬Lindy跳升到20萬Mini Kelly
其實馮盈盈一向愛Hermès，選港姐時，已拎3萬元的Hermès Garden Party面試。入行後，買了2萬多的Herbag及約6萬的Lindy，今次跳級買VIP專屬Mini Kelly，豪呀！最近她亦由月租19,000元的深水埗匯璽366呎單位，搬到千呎將軍澳新盤Malibu全海單位，更坐在窗台望海晒美腿拍照，上載社交平台放閃。
馮盈盈不肯透露新居是租抑或買，但自言跟家人同住。Malibu的千呎單位售價約2,300萬，租金則要4萬多。
- 選港姐時，已拎3萬元的Hermès Garden Party。
搬完千呎海景樓再睇新盤
搬入全海景單位都未滿足，馮盈盈仍有繼續出動睇樓，月初便現身大圍柏傲莊1期的示範單位，可見銀彈充足。其實馮盈盈一向目標明確，明言讀書時已想早日出人頭地。她在港大主修食物及營養學系，本來打算畢業後當營養師，待工作穩定後，再做其他生意賺多點錢。
「雖然咁未至於好出色，不過起碼算係個成功人士。但都唔係一時三刻可以做到，我覺得太耐一直想做一件出人頭地嘅事，希望令爸爸以個女為榮，因女兒而驕傲，同男朋友（醫生舊愛鍾文浩）討論呢件事嗰陣，佢就建議我選港姐。」她說。
入行之後，馮盈盈更知道自己想要甚麼。近年她積極搭通富貴路，廣交有米朋友，之前便孖住江嘉敏跟何猷亨上遊艇開P，可惜猷亨最終翻撻陳瀅。後來馮盈盈更與江嘉敏鬧不和，大家分頭搵食，江嘉敏得林凱欣帶挈，埋到李澤楷女友郭嘉文堆。
而馮盈盈就透過男友鄭衍峰介紹，跟富二代Reeve及其有米落選港姐女友胡美貽混熟，Reeve家族持有不少地產項目，早前便以3.3億元出售持貨七十年的旺角單幢樓。之前Reeve在六星級酒店開生日P，盈盈和鄭衍峰便結伴出席，她更疑似飲到面紅紅。
如今被殼王睇起，有更具份量的朋友，馮盈盈的確有計！
但鄭衍峰就話：「盈盈唔會因為人哋身份地位，有錢冇錢，紅定唔紅去同人做朋友！」為女友護航。 ----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|