2004年港姐冠軍徐子珊在去年12月突然宣佈退出娛樂圈並移居歐洲生活及進修，希望重過普通人生活，不過子珊這段移民路似乎不太順利，因為武漢肺炎全球大爆發，不少地方為了杜絕疫情而封關，結果子珊的歐洲新生活要暫時擱置。不過她已經低調地過普通人生活，今年3月曾經現身數碼港的超市入貨，當時她的身形消瘦了不少，瘦到幾乎「連胸都冇埋」，甚至對於近況，亦只是笑笑口地說：「Thank you！」
神隱多時的徐子珊，日前被《蘋果》讀者Kelvin透過「爆相爆片」捕獲她在銅鑼灣利舞臺的無印良品出現，當日下午4時45分左右，徐子珊單拖在無印良品睇護膚品，Kelvin說：「嗰陣我見到佢都猶豫咗一陣，望落個樣真係好似徐子珊，但係佢嘅衣着好樸素、好貼地，之後我行埋去睇真啲，先確認佢係徐子珊。」從Kelvin提供的短片所見，片中的徐子珊打扮的確樸素，她身穿粉紅色冷衫配藍色牛仔褲，長髮披肩兼戴上一個立體口罩，但狀態似乎有點攰：「佢見到我望住佢，我諗佢都知我認得到佢係邊個，之後佢都係咁望住我，嗰陣佢本來拎住成籃嘢，突然間提高警覺，轉過身就走咗，我估佢連單都冇埋，因為只係開咗一部機收銀，我行咗一個圈都再見唔到佢。」
入行15年的徐子珊，當選港姐後在大台拍劇唱歌，更曾進軍影壇，到了2015年離開無綫，報讀珠寶設計課程及心理學碩士學位。不過有指徐子珊覺得一邊讀書一邊開工壓力大，直言想離港，希望可以有更大的自由度，最後再三考慮下，終於鼓起勇氣，斬釘截鐵地說希望不再回港，想尋找舒服自在的生活。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|