林曉峰（阿Lo）早年宣佈與康子妮結束18年婚姻，日前他被《蘋果》讀者透過「爆相爆片」拍到他與貌似前妻的新歡在金鐘撐枱腳嘆泰菜，阿Lo今日到九龍灣錄影ViuTV節目《調查男女》時，心情靚爆的他回應緋聞，他承認與女友人食飯，但否認有新戀情。
阿Lo說：「只係同朋友食飯，經歷咁多事之後，朋友不如見面，見到朋友傾偈都開心啲，自己又好、朋友又好，情緒都需要抒發，嚟緊嘅日子唔止見到我同一個朋友食飯，仲會有好多。」阿Lo沒有正面回應是否追求對方，他只表示：「學識大家開心就得，以前忽略咗啲朋友，依家見多啲，見幾多都唔夠，屋企人都係一樣。以前工作後會趕返屋企，依家會多啲同朋友外出食飯，依家唔使照顧兩個仔，反而係佢哋照顧我。」阿Lo強調只是朋友間飯敍，而往後日子亦會見到他相約不同的朋友食飯，抒發情緒。
阿Lo指其父母最近亦擔心他的情緒，母親更是隔天來電，爸爸則苦學視像與他聯絡，他說：「以前一星期打電話畀阿媽一次，依家阿媽好似當我小學生，隔兩日打一次嚟。老竇好純熟咁同我FaceTime，我好開心。」阿Lo表示，現在乘搭公共交通公具前，都會打給兒子詢問。
今天擔任節目嘉賓的羅家英指感到阿Lo有少許抑鬱，但阿Lo否認：「唔係抑鬱，我係諗緊題目，因應年紀增長，以前會選擇物質，依家會耐心啲，如果話抑鬱，我會擔心完咗呢個job，之後仲有咩工作。」
此外，家英哥在節目上被問到選擇攜帶甚麼回到秦朝，而不能再回來，家英哥強調不會帶同老婆汪明荃，因為秦朝戰亂危機，順勢讓阿姐有機會離開他，家英哥說：「我會帶藥物、黃金，因為怕凍，會帶埋羽絨。」家英哥笑指與阿姐相對無言，更沒有談情。
而曾與家英哥合作的李健仁去年中風後回港治療，羅家英說：「聽講唔係咁好，上年我同細龜（黃一山）想幫佢籌款醫病，但內地唔可以咁做，可能諗吓網上做唔做到，有古仔（古天樂）、甘比幫佢就相當好，佢（李健仁）平時食嘢唔檢點。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|