2020年11月2日星期一

少女大叔交換靈魂《屠・姐上錯身》反轉校園開殺戒

唔Cut血腥場面令《屠・姐上錯身》被評為三級，但電影似乎係行恐怖血腥又搞笑嘅路線喎。

環球影業發行、Blumhouse操刀，《死亡無限LOOP》導演基斯杜化蘭登製作的《屠・姐上錯身》（FREAKY），由《冒牌伴郎生擒姊妹團》男星雲斯韋漢（Vince Vaughn）和《反啪啪同盟》小花嘉芙蓮紐頓（Kathryn Newton）主演。平凡女高中生Millie（嘉芙蓮紐頓飾）喺學校成為被恰對象，一個離奇晚上更被變態屠夫（雲斯韋漢飾）追殺，係冇死到，但醒返時已經上咗個殺人犯身。

Millie突然變成殺人犯大叔，唯有逃避警察追捕，走頭無路下搵班老死幫手，因為24小時內搵唔返自己肉身，就會孭住大叔個衰殻直到永遠。另一邊廂，大叔靈魂亦佔用咗Millie身體，佢不但出晒位調戲一衆校草，想做萬人迷，更打算參加學校舞會，順便過吓手癮大開殺戒！驚到盡，爆笑到盡，到底最後點收科？《屠・姐上錯身》將於11月12日與美國同步上映。