2020年11月2日星期一

《Palm Springs：戀愛假期無限LOOP》跌入輪迴時空死唔去走唔郁

反抗唔到就學識享受，莎娜同拉奧喺一成不變嘅生活尋找樂趣。

入圍辛丹斯電影節（Sundance Film Festival）的愛情喜劇《Palm Springs：戀愛假期無限LOOP》，由金球影帝安迪森堡（Andy Samberg）及《黑鏡》姬絲汀美莉奧蒂（Cristin Milioti）主演。吊兒郎當的大男孩拉奧（安迪森堡飾）喺一個婚宴遇見伴娘莎娜（姬絲汀美莉奧蒂飾），二人一拍即合打得火熱，點知拉奧卻突然中箭。被獵人誤以為是小動物的兩人匿入山窿保命卻遇上一道強光，第二朝擘大眼，時間竟然回到婚宴當天早上！

無論身處何方，二人只要一瞓著時間就會重來。被困於詭異嘅輪迴時空，拉奧盡情享樂，甚至惡搞其他人；莎娜就嘗試逃離但不果，最後她決定同拉奧一齊活在當下，即使世上只有佢哋先會記得呢一切。兩人再次愈走愈近，某日拉奧發現莎娜喺呢個無限Loop時空消失咗，亦終於知道她堅持逃走嘅秘密。電影在出名畀分Mean爆的權威影評網Rotten Tomatoes獲100%好評，以及Metacritic的「必睇」（Must-See）推薦，《Palm Springs：戀愛假期無限LOOP》將於11月26日在港上映。