林曉峰（阿Lo）與康子妮宣佈離婚後，今日在ViuTV為新節目錄影，阿Lo如常一樣開工，接受訪問時仍保持笑容和幽默，他透露早前到大陸工作，隔離期間思考很多，表示最緊要開心，經常多笑，現時已習慣了離婚後生活。阿Lo說：「而家大家選擇開心，係好難得。」當日離婚經雙方協議，亦有向兩名兒子交代，兒子們也很明白，笑言已忘記何時作出決定：「以前顧慮太多，會介意好多嘢，經歴咁多做返真正嘅自己，睇返我哋而家咁樣，朋友間有個距離更開心。」
阿Lo表示，現時仍與前妻有聯絡，亦有幫襯對方買保險。阿Lo指自己早前離港工作時，亦交帶康子妮照顧兒子們，被問當日有傳黃翊介入婚姻，他決斷地回應說：「所有唔係事實唔回應。」問到家人討厭康子妮時，阿Lo解釋：「明白傳媒需要創作不同版本嘅故事先有人睇，大家有工開，開心就得。」有傳康子妮有新歡，對象是上司，阿Lo表示會祝褔，但自己則未有新戀情。
提到好友錢國偉（Wilson）早前病逝，阿Lo指自己沒能到醫院見最後一面，只透過視像通話不時為好友打氣：「Wilson係我識咁多人中意志力最強嘅人，佢從未放棄，最後一次傾偈同佢講過兩日冇事。做朋友梗係想佢冇事，知佢嘅宗教信仰，呢刻要以開心理性態度面對，佢只係去咗更開心地方。」
阿Lo指這陣子要多照顧錢國偉家人，他稱作為朋友不需要叮囑也生活如常，跟其家人聯絡，而錢國偉女兒是他契女，他叮囑傳媒：「希望儀式當日大家保護小朋友，佢唔識面對咁多人影佢。而家都有多見佢，佢一定有掛住爹哋，同佢傾吓，慢慢會適應。」問到錢太陳宛蔚經濟可遇困難？阿Lo覺得對方私人事不回應，若有需要一定幫忙。
另外，鄧健泓和太太石詠莉在節目中一起玩遊戲，鄧健泓指太太是豬隊友，但所有禮物都會讓給太太，更大爆太太專制，連社交平台跟女仔互動也要質問，石詠莉解釋：「對方3年前嘅post都Like，啲相由最近期掃落去，即係睇咗好多」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|