武漢肺炎爆發第四波，蕭正楠（Edwin）上周三（18日）到一間食肆拍攝TVB飲食節目《Testing Menu》，其後該食肆一名職員確診武漢肺炎，蕭正楠亦因此被列為緊密接觸者，今日（11月24日）被安排接受強制檢疫。無綫今日發出內部通告，指蕭正楠本月19日曾出席台慶，TVB已安排共205名藝員接受檢測，結果全屬陰性。
蕭正楠老婆黃翠如晚上曾回覆傳媒，着記者等Edwin回覆，Edwin約晚上10點，透過IG講述情況，他神情輕鬆，先多謝關心，又交代已被送到隔離中心：「我18號時拍攝飲食節目，噚晚23號9點幾鐘收到衞生署電話，原來當日有一個經理在場，而個經理確診咗，所以我成為咗密切接觸者。」根據法例，Edwin需要隔離，他稱已在隔離中心接受測試，結果呈陰性，他叫大家放心：「我喺度隔離完之後就會返番出去，大家唔使擔心我。」Edwin最後再次故作輕鬆說：「希望大家可以撐得住，我依家要去抹地喇。」
陳展鵬：唔使roll機就戴口罩
另外，李佳芯台慶當晚大合照時站在蕭正楠身旁，今日她回應傳媒時表示：「台慶之後我做過測試，為安全計今朝自己都再做咗一次，兩次都係陰性。多謝大家關心，希望大家都冇事！」大合照時跟蕭正楠相隔一個身位的陳展鵬就表示：「我哋驗晒冇問題喎，我哋全部袋住口罩喺袋，一唔使roll機就戴返口罩，大家都冇乜接觸，所以都OK吖。」王俊棠與方伊琪當晚亦有份出席台慶，大合照時都是站在蕭正楠附近，今日二人接受傳媒訪問時都表示不擔心，王俊棠說：「公司當晚有畀個檢測包我哋去做檢測，結果係陰性，我自己就唔係好擔心，最緊要自己做好防疫工夫，同埋增強免疫力。」方伊琪則表示：「我都知道蕭正楠件事，台慶嗰晚公司派咗個檢測包我哋成班藝員，檢測結果係陰性，其實都冇得擔心咁多，不過我自己聽日會做多次檢測，買個安心。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|