今日，是一代天后梅艷芳逝世17周年。梅姐生前愛錫的fans，並未有因為時間而沖淡對她的愛意，今天約12時，梅姐位於九龍塘省善真堂的靈前，放滿歌迷為梅姐準備的可樂、檸檬茶、咖啡、奶茶、杯麵、青提子、點心、蛋糕、三文治、雲吞等等，以及擺了梅艷芳國際歌迷會及歌迷會會長蘇小姐送上寫有「永遠懷念」的花牌及果籃。歌迷更透過文字細訴對她的思念情懷，「不可能再遇上Anita梅艷芳，她相信愛，相信世上有真愛，相信人生可以完美。」「每夜如星閃照，每夜常在。」「17年來的思念，一刻都沒有改變，愛妳如初，想妳如昔。」「十七年了，留下只有思念，對您情懷未變。」。
約12時45分，有兩位女歌迷Karen和留情到梅姐靈前上香，17歲的Karen笑言：「其實我鍾意哥哥（張國榮），因為佢，我先認識80年代嘅明星，所以留意到梅姐，哥哥同梅姐教識我點做人，要珍惜眼前，有啲嘢嚟得好突然，好似哥哥突然之間走咗。」21歲的留情則說：「我鍾意梅姐4、5年，因為睇咗《胭脂扣》，我鍾意佢份人，好認真，好專業。」有甚麼說話想跟梅姐講？留情說：「都係咁掛住佢，希望佢每日都開開心心；今年2020年好多離別，最近睇番梅姐03年嘅演唱會，要珍惜眼前人。」
原來留情是香港插畫師，她表示為了讓新一輩對梅姐更多認識，今次與台灣人合作，現正在台中舉辦一個關於梅姐的展覽，展期至明年1月10日，「我負責畫梅姐，其中係畫《審死官》嘅佢，希望多啲後生鍾意梅姐；有啲後生鍾意聽舊歌，人哋印象會覺得咁老餅，梗係聽K-Pop啦，但係話晒梅姐係香港女兒，大家都應該要認識下。」展覽會在香港舉行嗎？留情說：「因為係一個機遇，都係受人邀請，香港暫時未搞，好難搵場地，而且又冇錢，因為我仲係學生。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|