武漢肺炎第4波肆虐，今日頒發的樂壇第一張成績表「新城勁爆頒獎典禮2020」，繼續不舉行實體頒獎禮，改為網上直播，今年新城頒發61個獎，頒獎禮改於下午舉行，主持范振鋒、鄭啟泰等戴上口罩，做足防疫措施。而勁爆女歌手由AGA、鄭欣宜和菊梓喬獲得，只有欣宜領獎時沒戴口罩。
首先頒發「勁爆我撐歌手」獎由關智斌（Kenny）獲得，他戴口罩出場攞獎：「好開心，十幾年冇去頒獎禮，呢個獎係我過去十幾年嘅第一個獎，特別多謝新城。」只講了4句便被安排返入後台，冇份表演唱歌；之後再出場憑《乾爹》攞「勁爆歌曲」獎，今次就除口罩攞獎。剛巧今日是關智斌40歲生日，主持送上蛋糕兼唱生日歌，他許願：「呢個願望係真，送畀大家，就係出年一齊去旅行，邊度都好，一齊去就開心，浸溫泉囉。」
而衛蘭憑《低半度》獲「勁爆歌曲」獎項，她領獎時有戴口罩，唱歌時就除罩，而接着出場的陳凱詠（Jace）憑《隔離》獲「勁爆歌曲」獎，至於曾中招武漢肺炎的施匡翹獲「勁爆人氣偶像」，兩女都冇戴口罩，司儀鄭啟泰笑對施匡翹說：「你今年會百毒不侵。」令施匡翹十分尷尬。
由於新城跟HKRIA合約於今日到期，傳新城因拒付百萬續約費，環球、華納和SONY歌手由明天開始，不會出席新城活動，今日頒獎禮是最後亮相，華納歌手衛蘭獲「勁爆歌曲」獎，她接受訪問說：「唔續約件事都係啱啱知，做歌手理唔到咁多，唔緊要，我哋同DJ、新城員工都係好朋友，點都會見面，未必係最後一次。」對於沒有實體頒獎禮，她都感到可惜，並指自己好小心，唱歌才唔戴口罩。
而關智斌接受訪問表示，自己十年冇參加香港頒獎禮，感覺陌生，對於網民笑他的廣告相胸前冇lin，「係咩，我冇為意，睇開龍珠，返去拉大張相睇吓先。」
此外，許靖韻獲勁爆躍進歌手獎和勁爆歌曲，因不在港只能拍片致謝。同樣不在港的吳業坤亦拍片說：「好任性同公司請咗一段日子假，大家睇個地方都估到我去邊。」而同樣缺席的莫文蔚獲「勁爆年度歌手」及「勁爆歌曲」則獲厚待，知訊台執行總監程凱欣親自將獎項交到莫文蔚手上，她在片中表示好多年沒有在香港出席頒獎禮，今年好開心好多人鍾意《呼吸有害》，祝大家平安健康。
勁爆歌曲：《呼吸有害》莫文蔚
《感情這回事》陳柏宇
《無力感》許廷鏗
《劫後餘生》周柏豪
《低半度》衛蘭
《小夜燈》鄭欣宜
《地球來的人》馮允謙
《乾爹》關智斌
《別為我好》許靖韻
《隔離》陳凱詠
勁爆播放指數歌曲：《銀河修理員》Dear Jane
勁爆年度歌手：莫文蔚
勁爆演繹大獎：泳兒《溝渠暢泳》
勁爆專輯：〈Awaken〉馮允謙
創造精彩專輯：〈So Called Love Song〉江海迦
勁爆男歌手：陳柏宇 / 周柏豪 / 許廷鏗
勁爆女歌手：江海迦 / 鄭欣宜 / 菊梓喬
勁爆樂隊：Dear Jane / Nowhere Boys / ToNick
勁爆組合：小塵埃 / MIRROR / 天堂鳥
勁爆唱作人：林奕匡 / 陳健安 / 黃妍
勁爆作曲：袁偉豪《你與你的另一半》
勁爆填詞：SoulJase/Oscar《阿愁》
勁爆編曲：DJ King《進擊的生命》
勁爆監製：Adrian Chan/陳健安《廢學》
勁爆合唱歌：《日光》梁釗峰/陳仕燊
勁爆新媒體歌曲：《我們都想旅行》洪卓立
《次元壁》林欣彤
《你喜歡說謊》菊梓喬
勁爆改編歌曲：《默默向上游》歐信希
《曖昧》艾妮
勁爆國語力歌曲：《愚公》Michael C
勁爆我撐歌手：關智斌
勁爆我撐歌曲：《零分》曾若華
《愛沒懷疑》吳浩康
《原始心態》吳業坤
勁爆我撐新人：謝高晉
勁爆人氣歌手：胡鴻均
勁爆人氣偶像：姜濤 / 陳卓賢 / 施匡翹
勁爆躍進歌手：許靖韻 / 趙慧珊 / 曾樂彤 / 李靖筠 / 劉卓軒
勁爆獨立音樂人：林家謙 / 何雁詩 / 雷深如
勁爆新人：江𤒹生 / 盧瀚霆 / 柳應廷
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|