咦～原來相識於微時！
無綫《衝上雲霄大選》中的季軍陸煥恆和奪得才藝大獎的楊銘熙，今天在電視城接受頒獎。2人異口同聲要請全部參賽者共15人食飯，又話想打邊爐齊齊慶祝，但新冠肺炎疫情下，禁聚令可能要另想辦法，笑言不想有「衝上雲霄群組」！問到他們是否己簽約無綫？兩人稱未正式簽約：「都係剛剛知道公司開劇，我哋綵排時都有講笑話如果第時同番一班機做嘢就好，依家知道拍劇仲正！」
問到想跟哪位演員合作？楊銘熙自爆10年前已跟朱智賢屬空中服務員訓練班同學，今次獲獎對方亦戥他高興，所以好想一齊合作。當講到可會請對方食蛋糕？他迴避問題，但亦被追問可知朱智賢受到早前人夫緋聞的新聞困擾？他稱：「知嘅！（會支持？）點都支持佢！」答完即轉話題稱要講回《大選》。
他又自言作為新人，應向每1位前輩學習，問到最想與哪位女藝人合作？他說：「馮盈盈，佢好開朗，畀好多正能量大家。」
來源 source: http://hk.on.cc
|
鍾意就快D Share啦！
|
|
|