林溥來貼老婆5個月孕肚照 關宛珊Boxing Day報喜佗男B
關宛珊（Kimmy）於2016年秘嫁林溥來（Patrick Sir），二人於Boxing Day拆禮物的開心日子，齊在社交網貼出多張Kimmy挺孕肚與Patrick Sir半裸合照，宣布佗B喜訊。
Patrick Sir留言：「❄️聖誕快樂！係呀，你冇睇錯呀，你睇到嘅呢個天使化身係我老婆Kimmy呀！見到佢個肚多咗啲嘢？嗰個係上天送俾（畀）我哋嘅聖誕禮物嚟㗎，份禮物我哋5個月前已經收到，仲睇住佢越（愈）嚟越（愈）大，而老婆面上嘅笑容就越（愈）嚟越（愈）甜。選擇喺呢個普天同慶嘅聖誕節及Boxing Day同大家一齊拆禮物，就係想將我哋呢份喜悅同各位分享，為大家喺疫境中打打氣，增添正能量！感謝上天送俾（畀）我哋嘅新生命，亦希望世界從此換上新氣象！🌟 老婆，雖然每次問你你都話唔辛苦，但係我都要再講多次：幸苦你喇！嚟緊你要對住我同Don Don加BB呢個超級男團，你一定要有更多嘅耐性，但係我保證我哋必定努力為你奉上幸福、快樂！☺️❤️」。
Kimmy亦留言：「由我哋拍拖開始就已經存在第三者🐶…而（依）家仲多咗個第四者👶🏻～呢個第四者好乖…喺我哋搬好屋Settle好…喺我完成N3日文呢個目標嘅當日…先俾（畀）我哋知道肚裡面住咗個小居民～我哋繼續去邊都帶埋呢兩個電燈膽…一家四口開開心心～Happy Boxing Day～」；她又標籤了一句「成屋都係男人」，跟老公寫的「超級男團」，好明顯她懷的是男嬰。
來源 source: http://hd.stheadline.com
|
鍾意就快D Share啦！
|
|
|