喺呢行想識到真心朋友唔容易。
藝人陳嘉寶、蔡思貝、陳瀅、Cheronna（吳嘉熙）、賴慰玲同何雁詩，6位老友鬼鬼，時不時聚會，今日趁住聖誕佳節，宣布組成閨蜜團「SÏXTERS」，大玩食字風格，以Sisters變為「SÏXTERS」，非常有創意！
陳嘉寶喺社交網留言指好開心識到呢班好姊妹，一齊走過高山低谷：「好多人話喺呢一行識到真心朋友唔容易，就算識到，最難其實係維繫。感恩我哋其實分別都識咗好多年，依然都可以維繫到呢一份感情。雖然天父爸爸造我哋真係好唔一樣，不論性格特質同人生經歷好唔同，但慶幸我哋依然都可以一齊陪對方行過高山低谷...大家係好想大家好，好想大家一齊幸福，甚至乎完全唔理自己利益，只係一心想幫對方行得更好更遠...我愛你、陪你、撐你，唔係因為你做咗啲咩，而係因為你就係你。We just love the way who each other are.」
來源 source: http://hk.on.cc
|
鍾意就快D Share啦！
|
|
|