唔出演《乘風破浪的姐姐》原來關佢個頭事！？
大陸女星楊冪人氣高企，唔少綜藝戲劇都爭住搵佢演出，最近佢更處女下海參加脱口秀節目，不斷自嘲，又爆出連連金句，獲得網民激讚！
佢調侃自己唔係咩一線女星亦唔係咩老闆娘，但曲線讚自己「我就是一個普普通通的大美女」！之後佢自爆大受歡迎嘅《乘風破浪的姐姐》邀請佢演出，但佢拒絕參加：「我真的不敢去，因為我覺得我沒有底子，唱歌也不行，跳舞也不行，這樣怎麼可能贏呢？」之後佢就話真正嘅原因，係怕被抆頭髮，又攞經常被網民談論嘅高髮線嚟講笑，將「傷疤」喺人前展露：「我想我這個髮際線，應該也堅持不了幾期吧！」
最後佢拉埋同場及有份參加《姐姐》嘅張雨綺落水，讚完佢愈嚟愈紅，身材愈嚟愈好後，寸佢「腦門愈來愈亮」，張雨綺笑言：「沒使勁薅（薅意指揪）！」楊冪就回敬：「沒薅！沒薅！肯定沒薅，反正咱們在片裏沒看見！」在場觀眾都拍爛手掌，網民都留言「這稿子的編劇也很不錯」、「楊冪自信又優秀」、「一直紅是有原因的」！
來源 source: http://hk.on.cc
|
鍾意就快D Share啦！
|
|
|