25歲的謝嘉怡獲肥媽瑪利亞提名當選應屆港姐冠軍，祖籍東莞，但在蘇格蘭出生和長大的她當選後順理成章留港發展，最初被讚有觀眾緣的她更得到大台力捧。
謝嘉怡當選為家族增光，謝嘉怡的祖父被指在新界大埔經營店舖「謝華記橋頭雞粥」，謝爸爸謝廣勝更特別開了微博「星爸謝彼得Peter」跟網民互動，其父亦不停孖女兒出鏡，早前更帶着謝嘉怡出席東莞同鄉總會大埔分會活動，網民即在討論區貼相後揶揄：「明明喺蘇格蘭出世同長大，對香港一無所知，但又選贏咗『鄉黨小姐』，選贏咗之後，又無啦啦曱班唔X識嘅『鄉親』強冠（東莞）名銜，變咗『東莞小姐』。」另又有網民加入說：「飲蘇格蘭嘅水長大㗎喎，點樣返大埔飲水思源呀大佬。」
謝嘉怡當選港姐不久後即惹是非，今年10月她獲安排做大騷《善心滿載仁愛堂》司儀之一，廣東話不流利的謝嘉怡臨場表現緊張，以半鹹半淡廣東話說台詞時「食螺絲」，疑當場爆出一個英文粗口。當晚謝嘉怡打頭陣介紹嘉賓時，顯得緊張又頻頻甩嘴，加上口音不正，顧得鏡頭又顧唔到台詞，不夠淡定的她忍唔住細聲爆粗說：「FXXK！」惹來身邊男士錯愕地望了她一眼，她則扮冇事耷低頭，事後網民在討論區紛紛留言聽到謝嘉怡爆粗，更有網民直指她「EQ低」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|