42歲林雅詩（Grace）早年經歷過婚姻失敗，2016年遇上經理人兼男友馬天樂，可是今年5月男方被踢爆背住她偷嗒女助手Ana，兩人還育有一歲兒子，事件揭發後Grace鬧自己是蠢女人，情緒一度令人擔憂。決心斬纜的她，亦重新出發，在疫情下她一度轉職做OL，專心打理時裝店。
昨日她在微博留言指，疑似早前介入其感情的女助手Ana，威脅她會公開其私隱，她留言寫︰「Ana Chang 小三對我講，『需要我把你的對話微信公開分享嗎？唔好再將你們的事圈在我身上！』真好笑，你色誘個男人要佢去食死貓，3年攪完一大輪，而家同我講唔好再將我哋的事圈在你身上？什麼道理？偷我電話偷我資料，然後威脅我分享公開？我都未報警你偷嘢。」其實Grace於上星期亦在微博提及過Ana Chang，當時她留言寫︰「如果我有事？有2個人要負責！Ana Chang and ....。」至於另一人是誰，她沒有提及。
對於被威脅公開其微信對話及被偷電話一事，今日《蘋果》致電Grace了解，她說︰「佢叫我唔好做咁多小動作，唔係就公開我嘅留言。」Grace表示自從爆出前男友馬天樂背她偷食一事後，兩人已分手差不多半年，但礙於工作關係雙方仍有聯絡，她說︰「佢哋而家係咩關係，仲有冇一齊，我都唔知亦唔想知，可能佢驚我同馬生復合啩！」Grace指她早已將女助手Ana的電話封鎖，但對方不時化身不同身份出現，她無奈的說︰「個女人成日做啲好無聊嘅事，因為工作關係，佢仍然喺一啲工作群組內，但佢成日改名、改電話，又轉身份叫過Anna、陳小姐等。」
談到遺失電話，Grace回想有一次因弄傷手入院時遺失，當時男友馬天樂和女助手Ana都在場，她說︰「嗰一刻佢哋都喺我身邊，當時我冇諗過唔見部電話要去報警。」問她最擔心對方公開什麼資料？她說︰「我有lock部電話，但我有好多朋友嘅電話、相片同埋對話，呢啲都係私隱，所以我公開寫出來，如果佢真係敢公開，我一定會告佢。」
問到她電話內有否與前男友馬天樂的私密照？她大方承認的確有並謂︰「坦白講同佢拍拖親密照一定有，床照都有，但唔係個啲核突相，始終我同佢都告一段落，唔想再翻炒出嚟。」至於對方為何事來威脅她？她說︰「我都唔知佢想要求啲乜，寫幾句message嚟就威脅我。」最令Grace費解的是，對方反過來說她︰「最搞笑係佢講到，你哋嘅事唔關佢事，唔好搞到佢，我心諗係你哋搞出嚟，點解講到咁樣。」Grace表示對方威脅自己的留言已保留證據，如對方再有任何動作，她不排除採取法律行動。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|