直播評《造星III》 心水得罪CY粉絲 小肥公開被鬧私訊搲晒頭
ViuTV節目《全民造星III》引起全城熱話，賽果雖然已塵埃落定，不過網民對比賽仍議論紛紛。昨日小肥(徐智勇)在IG開Live談觀後感，好友RubberBand主音6號太太Tim Lui亦有中途加入討論，兩人提到參賽者CY(陳澤言)，小肥指CY有種「戇居嘅親和力」，言論疑似得罪CY粉絲，小肥收到網民私訊，叫他要尊重和包容人。
小肥其後公開網民私訊內容，留言：「我真係為咗閣下個message專登由頭到尾睇番次個live。我真係唔覺有針對性嘅謾罵抨擊喎。」小肥又表示自己與Tim Lui由第一季開始追看《全民造星》，一直都明白參賽者的熱血和努力。不少網民都留言力撐小肥「真心唔覺得有偏激，只係開始覺得講句嘢都冇自由」、「任何比賽都不容易，大家支持自己喜歡的artist 就好了！我支持小肥！」。
小肥與Tim Lui在直播中提到心水冠軍人選，小肥坦言Ben的表演雖然很好，但以整體表現來說，陳葦璇最應該成為冠軍，他說：「其實我冇乜心水，如果你要我揀，我有啲喜好嘅，但覺得佢未有入到三甲嘅資格，例如CY，因為我覺得佢唱得真係好，但係咪三甲呢？未係嘅。」但小肥與Tim Lui都表示喜歡CY，大讚CY是唱得。Tim Lui更笑言：「他有點像我老公，經常處於發夢的狀態。」
來源 source: http://hd.stheadline.com
|
鍾意就快D Share啦！
|
|
|