2020年12月28日星期一

【頭條獨家】【《造星III》決賽花絮】爆彭秀慧送學員首飾兼催淚聖誕咭卡文着陳柏宇不用太內疚 #彭秀慧 #陳柏宇

【《造星III》決賽花絮】爆彭秀慧送學員首飾兼催淚聖誕咭卡文着陳柏宇不用太內疚

卡文和Odi爆彭秀慧送學員首飾兼催淚聖誕咭，而卡文又着陳柏宇不用太內疚她不能入10強。

10強止步的卡文（關嘉敏）以及20強止步的Odi（陳康琪），這晚出席《造星III》總決賽坦承好感觸，除了覺得不捨，看到這個大舞台亦好羡慕，不過經過《造星III》洗禮，更有信心行往後的路。她們又透露導演彭秀慧送每個學員首飾禮物及催淚內容聖誕咭。而卡文提到評判陳柏宇指後悔沒投她一票，她認為對比賽沒遺憾，着對方不用太內疚。採訪：杜淑霞、廖思慧

對於最後一次出席《造星III》節目，Odi覺得開心亦不捨，「眨吓眼就完《造星III》，開心戥10強有個好靚嘅句號，亦係我哋嘅new start。」卡文亦認同是個好靚句號，「我哋上台跳番我哋第一次排嘅《前傳》，好似啱啱畫咗一個完美嘅句號，開始同最尾都係呢隻舞。呢段時間我哋成長得好快，我相信同Odi會更加肯定自己，知道未來努力嘅方向。」

卡文及Odi又透露導師彭秀慧勁有心，向Ｂ組每位學員送上首飾兼親筆聖誕咭，「彭導好好，每個人送咗一份禮物畀我哋，女仔係個心有對翼嘅頸鍊，喻意我哋要飛得更遠，男仔就係手繩嚟，仲每人手寫咗張聖誕咭畀我哋，內容好洋蔥㗎！真係好感動！」

講到20強比賽後，評判陳柏宇開live公開表示後悔投了陳葦璇，而沒投票給卡文，此事令她好開心，「我都入咗佢個live傾，佢都同我講，我哋兩個係好難比較，一個係演繹型，一個係技巧型，所以佢係難評分嘅。但係我喺最尾一round遇到咁強對手，我覺得冇憾，呢個經驗係好深刻，我自己係拎得最多嘢嗰個，因為我可以對住個最強嘅對手，我遇強愈強嘅心態，我感受到。我都好多謝柏宇，我亦都唔會唔開心，所以佢都唔好咁內疚。」