林作和裕美被爆瞞住林作媽咪Lily秘婚，不過婚訊傳出後，兩位當事人卻堅稱純粹開Party玩吓。兩年前在鼎爺飯局一手撮合「林美戀」姻緣的堪輿學家麥玲玲，表示就二人八字來看，今年和明年是結婚好年，過了這兩年結婚好時機，便有分手危機。她說：「以我認識嘅林作，佢哋係咪結婚就半真半假喇，以玄學應驗嘅道理，可能佢想搞啲結婚儀式去沖喜避免分手，就好似有人知道自己流年麻麻，都會去主動洗牙一樣。因為林作嘅八字明年合提綱，而裕美八字2022年天合地合，連續兩年都有結婚同添丁運，主動應驗咗都係好嘅，如果唔結，最遲2022就會分手，然後隔一段長時間林作先再有結婚運。」
麥玲玲透露今日亦有聯絡份屬好友的林作媽咪，對方坦言聽到阿仔結婚消息很激心及頭痛，言談間林作媽媽更詢問玲玲師傅有甚麼方法可以改變阿仔諗法。麥玲玲說：「Lily媽好擔心阿仔，始終長輩會有好多擔憂同顧慮，佢都有同我講好欣賞麥明詩，我諗Lily係覺得阿仔個前度同現任有好大差別，一時間接受唔到都人之常情，佢同我講話安仔同Sammi兜兜轉轉最後都復合到，話只要堅持就會得到最後嘅勝利，不過唔知佢係講緊自己定係阿仔個前度。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|