曾拍網劇《向西聞記》的陳意嵐，近年撐手足不停發聲表態，因為疫下演藝工作大受影響，她轉營賣口罩。陳意嵐在剛過去的聖誕和新年期間，於尖東南洋中心搞黃色巿集，讓檔主寄賣東西，並有意延續至農曆新年「和你宵」。昨日開始一連三日再有開售活動。可是，陳意嵐昨晚在facebook貼出被5名警員突擊巡查檔舖的照片，並留言：「明明話等檔主收工到齊，開晒檔就影相，畀大家知有乜新檔新嘢，過嚟衝擊，點知，檔主都未等齊，就等到佢哋。放心，人無事，繼續準備做世界冠軍。108C會繼續堅持，提供一個安全，好玩嘅地方，畀同路人好好放鬆，努力工作，齊上齊落，一齊度過艱難嘅日子。」相中看到陳意嵐配合警方做調查。
陳意嵐今日接受《蘋果》電話訪問，她表示昨日傍晚近5時，檔主陸續返來做準備，卻有4名警員及一名便衣出現，她說：「佢哋話收到巿民投訴呢度人群聚集，所以過嚟，佢哋又引用條例提醒要注意限聚。不過我哋個場好守規矩，門口有量體溫，場內又要戴口罩，如有需要都要門外排隊。阿Sir佢提醒要保持1.5米距離同二人限聚令，但我就話108C唔係食肆，員工喺店鋪工作，好難話維持二人限聚，香港舖有啲細到連1.5米都冇。加上唔係食肆，大家唔除口罩，就問佢可唔可以有清晰指引，阿Sir又冇答。查實佢係咪要我哋好似食肆咁加塊板，我哋呢個算係工作處所。阿Sir建議我哋學名店要客人排隊入場，我話冇問題，因為都問咗商場，附近店舖都唔介意我哋客人排隊排到佢哋門口，好歡迎我哋啲客阻到佢哋喎！」
陳意嵐謂阿Sir又不停提問這個巿集租約幾時完結，她續說：「佢哋話唔排除再有投訴會再嚟，仲話一旦見到場中人如果唔係飲嘢食嘢而除口罩嘅話，就會畀告票佢哋。」而王宗堯為《蘋果》主持的新節目《王探黃》第三集都有介紹過該巿集。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|