瑪姬一向熱心公益，除了多年來為九龍城區的兒童音樂教育不遺餘力外，去年三月亦曾私人捐贈二千個口罩，並親身於馬鞍山大水坑站出入口派發，令400位街坊受惠。近日瑪姬趁農曆新年前，再次私人捐贈六千個口罩，並於一日內走訪多區送暖，派發物資予基層市民。「今次好開心能夠參與中華關愛長者福利協進會嘅義工活動，多謝義工們帶住我一次過探訪梨木樹隧道內嘅露宿婆婆、洪水橋寮屋區家庭、西灣河隧道口嘅露宿伯伯、柴灣劏房戶。」
原來上年派發口罩之後，瑪姬表示即使想做義工服務亦遇到不少困難。「由於限聚令嘅關係，避免人群聚集，我唔可以再擺街站派發物資。而至於上門派發，我聯絡過嘅義工組織就建議我等疫情稍緩比較安全，可惜疫情一波未平一波又起。無地區組織指引我邊啲家庭先係真正有需要嘅話，就算有心，都唔知從何入手。今次我喺網上見到呢個協進會原來有定期探訪基層家庭，佢哋收到嘅善款同物資唔會扣除任何成本，100%轉交到受惠者手上，所有義工都係土炮式自己揸車走勻咁多區落手落腳行善，係真正嘅出心出力出錢，我覺得非常有意義，所以主動聯絡佢哋嘅義工表示想一齊參與。」
對於這次歷時六小時的義工探訪，瑪姬表示最深刻的是深入洪水橋寮屋區接觸三十多戶家庭，「咁大個女第一次去寮屋區，我哋到埗時已經入黑，推住載滿物資嘅手推車經過崎嶇迂迴嘅路入去，仲要不時走返出嚟喺貨van補給物資，的確有少少吃力。不過當你見到一家大細開門收到物資時嘅笑容，就乜嘢都抵返晒。」另外，西灣河隧道口露宿伯伯的遭遇亦令瑪姬相當感慨，「嗰個位置近海好食風，我企喺度一陣都覺得凍，我問義工點解伯伯唔揀另一個無咁大風嘅地方瞓，原來之前伯伯瞓喺隧道入面，不幸畀人打斷右手，仲偷埋副假牙同食物，真係好可憐！我哋見伯伯無曬啲牙，隻手又無力，所以即刻去附近超級市場買過其他物資畀佢，希望今次唔好再畀人偷走」至於其餘的口罩，瑪姬感謝另一慈善組織安徒生會的義工於日前代為派發給居於南丫島的長者和家庭，她期望這一點小心意能為有需要人士迎來一個溫暖的牛年。
瑪姬一向熱心公益，除了多年來為九龍城區的兒童音樂教育不遺餘力外，去年三月亦曾私人捐贈二千個口罩，並親身於馬鞍山大水坑站出入口派發，令400位街坊受惠。
對於這次歷時六小時的義工探訪，瑪姬表示最深刻的是深入洪水橋寮屋區接觸三十多戶家庭。
瑪姬坦言喜歡親力親為派發物資給有需要的家庭。
|
鍾意就快D Share啦！
|
|
|